मुंबई: दीड महिन्यानंतर पालिकेच्या स्थायी समितीचे सभा  शुक्रवारी दुपारी  पालिका मुख्यालयात होणार होती पण ऐनवेळी ती रद्द केल्याने अनेक प्रस्ताव त्यामुळे रखडले.अगोदरच कोरोनाच्या प्रादुर्भावामुळेच्या पालिका प्रशासन बेजार झाले आहे.पावसाळ्यात पाणी साचण्याच्या ठिकाणी पाण्याचा उपसा करण्यासाठी पंप बसविण्याच्या कंत्राटाला मंजुरी मिळनार होती  पण समिती रद्द झाल्याने हे पंप खरेदी कसे होणार आणि पावसाळ्यात पाण्याचा उपसा कसा होणार असा प्रश्न लोकांना पडला आहे. नोकर भारतीसाठी शिल्लक असलेली गुणवत्ताधारक उमेदवारांची प्रतीक्षा यादी वर्षभरानंतर रद्द होते.पण कोरोना विषाणूच्या प्रादुर्भावामुळे विशेष बाब म्हणून केवळ रुग्णालयात काम करण्यासाठी ही यादी पुनर्जीवित करण्याचा निर्णय या स्थायी समितीत घेण्यात येणार होता.सेव्हनहिल्स मध्ये कोरोना विलगीकरण कक्ष स्थापन करण्याच्या कामाचे अधिदान तसेच प्रतिबंधात्मक उपाय योजना करण्याच्या खर्चालाही मंजुरी  मिळणार होती. कर्तव्यावर उपस्थित राहणाऱ्या कामगार कर्मचारी यांच्या जोखीम भात्याच्या निधीला मंजुरी,कोरोना विषाणू संसर्ग टाळण्यासाठी गोरेगाव पूर्व येथील नेस्को येथे प्रतिबंधात्मक उपाय योजना करणे,विभाग स्तरावर अन्नाचा पुरवठा करणे, खाजगी जागांवर जे विलगीकरण कक्ष कोविड शुश्रुषा केंद्र स्थापन करण्यात आले आहे.त्या जागा मालकांना जागेचे टोकन मोबदला म्हणून देणे, प्रमुख रुग्णालये,उपनगरीय रुग्णालये, विविध विशेष रुग्णालये व सहाय्यक आयुक्त यांच्या अखत्यारीतील अत्यावश्यक सेवेतील अधिकारी व कर्मचारी यांची त्यांच्या कार्यालयाच्या आजूबाजूला  हॉटेल लॉजिंग इत्यादींमध्ये राहण्याची व्यवस्था करणे याबाबतचे निर्णय घेण्यात येणार होते पण ते आता पुढील स्थायी समितीत घेतले जातील.मात्र ही समिती रद्द झाल्याने पुढील कामावर त्याचे परिणाम दिसून येणार असून त्यामुळे लोकप्रतिनिधी नाराज झाल्याचे समजते.