मुंबई(शांतारामगुडेकर ) करोनाच्या विरोधात लढा देत महाराष्ट्र सरकार राज्यातील  जनतेच्या  आरोग्याची काळजी घेत आहे. त्यात सामाजिक दायित्व म्हणून भोईवाडा येथील श्री साईनाथ  मंदिर ट्रस्टच्या वतीने मुख्यमंत्री सहायता निधीसाठी मंगळवारी ५१ हजार रुपयांचा धनादेश बँकेत  जमा केला.परळ भोईवाडा येथे नव्याने उभारण्यात आलेल्या क्रिसेंट बे कॉम्प्लेक्सजवळ सुमारे ७५ वर्षाचे जुने साई मंदिर असून साईभक्त श्री समर्थ संत सीताराम महाराज यांनी याच ठिकाणी जपतप साधना करत  साई मंदिराची स्थापना केली होती. या मंदिराचे कार्य करणाऱ्या श्री साईनाथ मंदिर ट्रस्टची नोंदणी १९६३ साली राज्य धर्मदाय आयुक्त  कार्यालयात करण्यात आलेली आहे. १९७७ साली अभिनेता मनोजकुमार यांच्या 'शिरडी के साईबाबा' या चित्रपटानंतर साईंची महती जगभर पसरली. मात्र,  साईभक्तीचा गजर त्याआधी मुंबईतील काही मोजक्या ठिकाणी होत होता.  

दरवर्षी श्रद्धावान देणगीदारांच्या माध्यमातून मिळालेल्या  शिधारुपी अन्नधान्य वस्तूमधून  दत्त जयंती आणि राम नवमी उत्सवात होणाऱ्या साई भंडारा चा लाभ  हजारो भाविक  घेतात.  लॉकडाउनमुळे राम नवमीचा साई भंडारा यंदा रद्द करावा लागला. करोना संकटकाळात मदत करण्याचे धर्मदाय आयुक्तांनी केलेले आवाहन तसेच परोपकाराची शिकवण बाबांनी दिलेली असल्याने  संस्थेने या संकटकाळात मुख्यमंत्री सहायता निधीसाठी ५१ हजार धनादेश मंगळवारी  बँकेत जमा करण्यात आला.