मुंबई आणि पुण्यातून फक्त परप्रांतीयांनाच जाता येणार; बाकीच्यांसाठी आणखी वेटिंगच!
- by Adarsh Maharashtra
- May 03, 2020
- 538 views
मुंबई:-मुंबई आणि पुणे ही दोन शहरं कोरोनाचा हॉटस्पॉट बनली आहेत. प्रत्येक दिवसागणिक कोरोनाबाधित रूग्णांमध्ये वाढ होताना दिसून येत आहे. अशा परिस्थितीत मुंबई पुण्यातला वाढता धोका लक्षात घेता प्रशासनाने प्रवासासंबंधीचा एक महत्त्वपूर्ण निर्णय घेतला आहे.मुंबई महानगर प्रदेश विकास प्राधिकरण (एमएमआर) आणि पुणे महानगर प्रदेश विकास प्राधिकरण क्षेत्रातील (पीएमआर) नागरिकांना महाराष्ट्रातील अन्य जिल्ह्यात किंवा अन्य जिल्ह्यातून या क्षेत्रात येण्याची परवानगी मिळणार नाही.
मुंबई महानगर प्रदेश विकास प्राधिकरण (एमएमआर) आणि पुणे महानगर प्रदेश विकास प्राधिकरण क्षेत्रात अडकलेल्या परप्रांतातील मजुरांनाच महाराष्ट्राबाहेर जाण्याची परवानगी दिली जाईल, असा खुलासा राज्य सरकारने केला आहे.
लॉकडाऊनमुळे पुण्यात आणि मुंबईत अडकलेल्या नागरिकांची संख्या मोठ्या प्रमाणावर आहे. या नागरिकांना आपल्या घराकडे जाण्याचे वेध लागले होते. मात्र शासनाच्या नव्या निर्णयाने आता संबंधितांना वेटिंग करण्याखेरीज दुसरा कोणताही पर्याय उपलब्ध नसणार आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम