मुंबई, : भारतात कोरोना व्हायरसची  लागण झालेल्या रुग्णांची संख्या वाढत आहे. महाराष्ट्रात कोरोना संसर्गाचा सर्वाधिक परिणाम झाला आहे. महाराष्ट्रात आतापर्यंत ११.५ हजारांहून अधिक लोकांना कोरोनाची लागण झाली आहे. महाराष्ट्रातील वेगानं वाढणार्‍या कोरोना रुग्णांना पाहता आता मुंबईला पहिली मोबाईल कोव्हिड-१९ टेस्टिंग बस मिळाली आहे. या बसच्या माध्यमातून मुंबईत अधिकाधिक लोकांची चाचणी होणार आहे. वरळी इथल्या नॅशनल स्पोर्ट्स क्लबमध्ये व्हिडीओ कॉन्फरन्सिंगद्वारे महाराष्ट्र आरोग्यमंत्री राजेश टोपे, पर्यावरण मंत्री आदित्य ठाकरे यांच्यासह बृहमुंबई नगरपालिकाचे आयुक्त प्रवीण परदेशी यांनी बसचं उद्घाटन केलं.

कोव्हिड-१९ टेस्टिंग बसमध्ये कोरोना रुग्णांच्या तपासणीसाठी प्रयोगशाळेत आवश्यक असलेल्या सर्व सुविधा आहेत. यासह या बसमध्ये एक्स-रे परीक्षेची सुविधादेखील उपलब्ध आहे. ज्या बसमध्ये कोरोना चाचणीची सुविधा उपलब्ध आहे तेथे एक लहान चेंबर बनविला गेला आहे.

 महापालिका अधिकाऱ्यांच्या म्हणण्यानुसार, मुंबईत कोरोना बाधित रूग्णांची वाढती संख्या पाहता मोठ्या प्रमाणात तपासणीची गरज भासू लागली. ही गरज लक्षात घेता प्रथम कोव्हिड-१९ टेस्टिंग बस मुंबईला देण्यात आली आहे. कोरोनो व्हायरस शोधण्यासाठी ०२ कॉम्बीनेशन सेच्यूरेशन वापरेल आणि Al बेस्ड एक्स-रे देखील वापरेल.

महापालिका अधिकाऱ्यानं सांगितलं की, कोव्हिड-१९ टेस्टिंग बस आरटी-पीसीआर स्वॅब कलेक्शन सुविधासह सुसज्ज आहे. या मदतीनं झोपडपट्टी क्षेत्र असलेल्या भागात कोरोना चाचणी करणं खूप सोपं जाईल. यासह, स्क्रीनिंग दरम्यान उच्च धोका असलेल्या संशयितांना अलग ठेवणं देखील सोपं होईल.

 कृष्णा डायग्नोस्टिक आणि आयआयटीच्या माजी विद्यार्थ्यांनी संयुक्तपणं ही कोव्हिड-१९ टेस्टिंग बस तयार केली आहे. क्लाऊड ट्रान्सफॉर्मच्या मदतीनं रेडिओलॉजी विभागाचे तज्ञ आणि डॉक्टर आता कोरोनो विषाणूचे रुग्ण सहज शोधू शकतील.