
जालना-बदनापूरच्या तहसिलदार छाया पवार निलंबित
- by Adarsh Maharashtra
- May 01, 2020
- 1085 views
जालना:-बदनापूरच्या तहसिलदार छाया पवार यांना निलंबित करण्यात आले आहे. कोविड-19 काळात कामातील अनियमितता यामुळे त्यांना निलंबित करण्यात आले आहे.
संभाजीनगर जिल्ह्यात कोरोना विषाणुचे अनेक रुग्ण आढळुन आलेले आहेत. अशा परिस्थितीमध्ये संभाजीनगर येथून ये-जा केल्यास जालना जिल्ह्यामध्ये कोव्हीड-19 विषाणुचा संसर्ग होण्याची दाट शक्यता असल्याने जालना-बदनापूरच्या तहसिलदार छाया पवार यांनी मुख्यालयी उपस्थित राहून अत्यावश्यक कामे नियमितपणे पार पाडणे आवश्यक होते.मात्र त्या मुख्यालयी उपस्थित राहत नव्हत्या. कोव्हीड-19 बाबतचे विविध अहवाल वरिष्ठ कार्यालयास विहित कालावधीमध्ये सादर न करणे, शासकीय कामात दुर्लक्ष करणे, दुष्काळी अनुदान मागणीत अनियमितता, नैसर्गिक आपत्ती अनुदान वाटपात दुर्लक्ष, अवैध गौणखनिज वाहतुक प्रकरणात अनियमितता, गौण खनिजाचे अनाधिकृत वाळुसाठे व वाहतुकीवर नियंत्रण न ठेवणे, शासकीय वसुलीमध्ये दुर्लक्ष करणे या कारणावरुन बदनापुरच्या पवार यांना निलंबित करण्यात आले. गुरुवारी जालनाच्या जिल्हाधिकारी यांनी तहसीलदार पवार यांना निलंबित करत अहवाल वरिष्ठ कार्यालयास सादर केला आहे.
निलंबनाच्या काळामध्ये पवार यांना उप विभागीय अधिकारी कार्यालय, जालना हे मुख्यालय देण्यात आलेले असुन तहसिलदार, बदनापुरचा पदभार पुढील आदेशापर्यंत नायब तहसिलदार (निवडणूक) दिलीप शेनफड सोनवणे यांच्याकडे सोपविण्यात आला असल्याचे निवासी उपजिल्हाधिकारी निवृत्ती गायकवाड यांनी प्रसिद्धी पत्रकाद्वारे कळविले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम