डोंबिवली - (प्रदिप मस्तकार ) डोंबिवली शहरातील म्हात्रे नगर प्रभागाचे नगरसेवक श्री.मुकुंद (विशु) बा.पेडणेकर यांनी लॉक डाऊन काळात प्रभागातील ५३० हुन अधिक आर्थिकदृष्ट्या दुर्बळ तसेच गरजू कुटुंबांना जीवनावश्यक वस्तूंचे किट वाटप केले. अनेक नागरिकांनी लाभ घेतला. म्हात्रे नगर प्रभागात लॉक डाऊन अतिशय प्रभावीपणे व कठोररीत्या राबविले जात असल्यामुळे नागरिकांची प्रचंड गैरसोय होत आहे अशा वेळी नगरसेवक विशू पेडणेकर हे त्यांच्या मदतीसाठी धावून आले व त्यांनी अनेक लोकांना जीवनावश्यक वस्तू वाटल्या. नगरसेवक पेडणेकर हे  धडाडीचे नगरसेवक मानले जातात. रात्री-अपरात्री नागरिकांच्या सेवेसाठी धावून येणे हे त्यांचे वैशिष्ट्य मानले जाते. विभागातील नागरिक कधीही त्यांना कामासाठी बोलवतात आणि ते  रात्री अपरात्री धावत  येतात. कधीही त्यांनी आपली जबाबदारी टाळलेली ऐकिवात नाही. प्रभागातील नागरिकांसाठी विशू पेडणेकर हे नगरसेवक म्हणजे परवलीचा शब्द झालेल्या आहे. कुठल्याही कामासंदर्भात विशू पेडणेकर यांनी कधीही टाळाटाळ केलेली नाही. प्रत्येक नागरिकांचे काम ते स्वतः आवडीने करतात. पहिल्या दिवसापासून नगरसेवक पेडणेकर आपल्या सहकाऱ्यांना व कार्यकर्त्यांना सोबत घेऊन काम करताना दिसत आहेत. तसेच या प्रभागातील गुरुवायूर मंदिर ट्रस्ट , प्रभागातील सेवाभावी नागरिकांच्या आर्थिक सहकार्याने व भा. ज.पा.वॉर्ड क्र.६७ म्हात्रे नगर मधील सर्व कार्यकर्त्यांच्या सक्रिय सहभागामुळे सदर मदत गरजू कुटुंबांपर्यंत पोहोचविण्यात आली. कुठलाही गाजावाजा न करता कामाचे नियोजन करून ते आपले काम चोखपणे करीत आहेत.