कर्जत(धर्मानंद गायकवाड):- देशात कोरोना व्हायरस संसर्गाने हाहाःकार माजविला असतानाच ठिकठिकाणी कोरोनाचे रुग्ण वाढतच आहेत. रायगड जिल्ह्यात कोरोनाचे रुग्ण वाढत असतानाच आज कर्जत तालुक्यांतील नेरळ शहरात कोरोना पाॅझिटीव्ह रुग्ण आढळल्याने कर्जत तालुक्यांत प्रंचड खळबळ माजली आहे. तसेच कोरोना रुग्ण सापडलेल्या परीसरात भितीचे वातावरण पसरले आहे. या बातमीने कर्जतचे प्रशासन अधिक सतर्क झाले असुन कर्जतचे तहसिलदार, पोलिस उपविभागीय अधिकारी, गटविकास अधिकारी, तालुका वैद्यकीय अधिकारी अाणि नेरळचे पोलिस अधिकारी यांनी कोरोना रुग्ण सापडलेल्या परीसराला भेट देवुन हा परीसर सिल करुना हा प्रादुर्भाव रोखण्यासाठी सुचना केल्या आहेत.

रायगड जिल्ह्यातील कर्जत तालुक्यांतील नेरळ शहरातील एका ४० वर्षीय तरुणाला कोरोना झाल्याची बातमी पसरताच संपुर्ण नेरळ शहर हादरले आहे. कर्जत तालुक्यांत कोरोनाचा हा पहिलाच रुग्ण सापडला आहे. सदर कोरोनाग्रस्त ईसम हा ठाणे येथे एका नामांकीत फार्मसी कंपनीत काम करीत होता. तेथेच त्याचा संपर्क कोरोनाग्रस्तांशी आल्याने त्याला कोरोनाची लागण झाली आसल्याचे समजते आहे. या घटनेची खबर नेरळ शहरात येताच नेरळ शहरात प्रशासनाने खबरदारी घेत सदर कोरोना ग्रस्त सापडलेल्या परीसर तातडीने सील केला आहे. नेरळ शहारातील या घटनेने भीतीचे वातावरण पसरले आहे.

 रायगड जिल्ह्यातील अन्य भागासह शेजारीच असणाऱ्या बदलापुरात कोरोनाचे अनेक रुग्ण सापडले आहेत. त्यानंतर नेरळ शहारात प्रंचड कडक सिमाबंदी करण्यात आली आहे. मात्र नुकताच आज कोरोना रुग्ण सापडल्याने साऱ्यांनाच हादरा बसला आहे.  हा कोरोना रुग्ण ठाणे येथे काम करीत असल्याने या रुग्णाची तेथे जा ये असल्याने त्याला हा कोरोना संसर्ग झाला असल्याचे समोर येत आहे. आता नेरळ पोलिस आणि प्रशासन या सापडलेल्या कोरोना रुग्णाचा व त्याचा कुटुंबाचा संपर्कात कोण कोण आले आहेत याची माहीती घेत असुन त्यानंतर

संपर्कात आलेल्यानाही क्वारंटाईन करण्यात येण्याची शक्यता वर्तविली जात आहे. तसेच आज सापडलेल्या या  कोरोना ग्रस्ताचा संपर्कात आलेल्यामघेही काहीसे धास्तीचे वातावरण पसरले आहे. नुकताच नेरळमधील सापडलेल्या  कोरोनाग्रस्ताचा कुटुंबातील सदस्यांना क्वारंटाईन करण्यात आले असुन त्यांना तपासणीसाठी पनवेल येथे पाठवण्यात आले आसल्याची माहीती देण्यात आली आहे.

 दरम्यान रायगड जिल्ह्यातील कर्जत तालुक्यांतील  पहिलाच रुग्ण सापडल्याने नेरळ शहारासह संपुर्ण कर्जत तालुक्यांत प्रंचड भीतीचे वातावरण पसरले आहे.तर कर्जतचे तहसिलदार विक्रम देशमुख, पोलिस उपविेभागीय अधिकारी अनिल घेरडीकर, तालुका वैद्यकीय अधिकारी श्री. मोरे, गट विकास अधिकारी बालाजी पुरी यांनी नेरळ शहारात त्या स्पाॅटवर भेट देवुन पोलिसांना काही सुचना केल्या आहेत. त्यानंतर कोरोनाग्रस्त सापडलेल्या परीसराचा पुर्व, पश्चिम, दक्षिण आणि उत्तर या चतुर्सिमा सील करण्यात आल्या आहेत. तसेच प्रशासन आणि पोलिसांनी नागरिकांना घरातच राहुन सेफ राहावे असे आवाहन केले.