विरार(प्रतिनिधी):कोरोनाच्या विरोधात जीवावर उदार होऊन लढणाऱ्या वैद्यकीय कर्मचारी आणि पोलिसांचे संपूर्ण देशात कौतुक होत असताना, त्यांच्यावर गल्ली बोळात फुले उधळली जात असताना विरारमध्ये मात्र कर्तव्य बजावणाऱ्या पोलिसांना  काही लोक हेतूपूर्वक टार्गेट करीत आहेत. मोरया नगर मध्ये घडलेल्या एका घटनेचे भांडवल करून एका कर्तव्यदक्ष पोलिस अधिकाऱ्याची बदली करण्यात आली आणि आता पोलिस किती वाईट आणि अत्याचारी आहेत हे दाखवणारा एक व्हिडिओ व्हायरल करण्यात आला आहे त्यामध्ये अन्न वाटप करणाऱ्या कार्यकर्त्यांवर पोलिसांनी लाठीमार केल्याचे आयोजकांकडून सांगितले जात आहे पण प्रत्यक्षात मात्र त्या व्हिडिओ मध्ये अन्न वाटप करतानाचे कोणतेही दृश्य दिसत नाही किंवा ज्यांना अन्न वाटप करण्यात आले ते लोकही कुठे दिसत नाही त्यामुळे हा व्हिडिओ पूर्णपणे फेक आणि पोलिसांची नाहक बदनामी करणारा असून वसई विरारच्या गल्ली बोळात यूट्यूब चॅनलच्या नावाखाली आपली झोळी भरणारे काही बदनाम आणि बोगस पत्रकार आहेत अशापैकीच एकाने हा व्हिडिओ तयार केला आहे. पोलिसांची नाहक बदनामी करणाऱ्या या पत्रकाराला तात्काळ अटक करून त्याच्यावर अत्यावश्यक सेवेतल्या लोकांविरुद्ध अफवा पसरवल्याचां गुन्हा दाखल करावा आणि त्या सामाजिक संघटनेच्या कार्यकर्त्यांनी खरोखरच अन्न वाटप करताना ही घटना घडली होती का याचीही गृह खात्याने चौकशी करावी अशी मागणी वसई विरार मधील जनतेने केली आहे.

मंगळवारी विरार(पू.)च्या मोरया नगर येथे एकत्र घोळक्याने उभ्या असलेल्या सामाजिक संघटनेच्या कार्यकर्त्यांना हटवण्यासाठी विरारचे पोलिस निरीक्षक विवेक सोनवणे यांनी त्यांच्याकडच्या काठीचा धाक दाखवून गर्दी पांगवली होते मात्र त्याच रात्री सोनवणे यांच्यावर मारहाणीचा आरोप करून राजकीय दबावतंत्राचा वापर करून त्यांची बदली करण्यात आली होती. या अन्यायकारक प्रकरणाने केवळ विरार मधील पोलीसच नव्हे तर नागरिकही संतप्त झाले होते त्यामुळे काल एका स्वयंघोषित यूट्यूब चॅनलच्या पत्रकाराने तक्रारदार संघटनेचा अध्यक्ष व ज्याने मारहाण झाल्याचा आरोप केलाय त्यांची मुलाखत घेतली या   व्हिडिओत पोलिस कारवाईची काही दृश्य आहेत पण त्यात पोलिसांनी कुणालाही बेदम मारल्याचे दृश्य नाही. तसेच आयोजकांनी मुलाखतीत सांगितले की अन्न वाटपाचा कार्यक्रम होता. लॉक डाऊनच्या काळात गोर गरीब लोकांना जर मोफत अन्न वाटप केले जात असेल तर ते स्वागतार्ह आहे पण त्या व्हिडिओत कुठेही अन्न वाटप होत असल्याचे दिसत नाही किंवा अन्न वाटपाचा लाभ घेणारे गोरगरीब लोकही दिसत नाहीत त्यामुळे ज्याने हा व्हिडिओ बनवला त्याने त्या ठिकाणी अन्न वाटपाचा कार्यक्रम झाला हे खरे कसे मानले असा सवाल वसई विरार मधील जनता विचारत नाही. त्याच बरोबर बेदम मारहाणीचा दावाही खोटा आहे मात्र याच दाव्याच्या आधारे एका कर्तव्य दक्ष पोलिस अधिकाऱ्याची बदनामी करण्यात आली त्यामुळे आयोजकांची बाजू घेणारा आणि पोलिसांची बदनामी करणारा हा व्हिडिओ फेक असून या व्हिडिओच्या माध्यमातून अत्यावश्यक सेवेतल्या कर्मचाऱ्यां विरूद्ध अफवा पसरवल्या बद्दल व्हिडिओ बनवून व्हायरल करणाऱ्या विरूद्ध गुन्हा दाखल करून त्याला अटक करावी तसेच त्याच्या युट्यूब चॅनलची सरकारी मान्यता तपासून बघावी आणि त्या संघटनेच्या पदाधिकाऱ्यांची सुद्धा चौकशी करावी अशी मागणी वसई विरार मधील जनतेने मुख्यमंत्र्यांकडे केली आहे. स्वतःच्या प्राणांची बाजी लावून ड्युटी करणाऱ्या पोलिस अधिकाऱ्याच्या विरूद्ध पोलिस ठाण्यात फिर्याद नोंदवून लोकांचा जीव वाचविणाऱ्या पोलिसांनाच आरोपींच्या पिंजऱ्यात उभे करून त्याची बदली करायला लावणे आणि पोलिसांविरुद्ध लोकांमध्ये संशयाचे वातावरण निर्माण करणे संतापजनक असून पोलिसांचे खच्चीकरण करणारे असल्याने अशा लोकांवरही कारवाई व्हायला हवी.