कर्जत(धर्मानंद गायकवाड):- रायगड जिल्ह्यातील कर्जत येथील प्रादेशिक कृषी केंद्र येथे नुकताच रायगड जिल्ह्याच्या पालकमंत्री कु.आदीतीताई तटकरे यांच्या उपस्तिथीत कर्जत विधानसभा मतदार संघात कोरोना विषाणू संसर्गाच्या प्रतिबंदासाठी उपाययोजने संदर्भात बैठक पार पडली आहे. त्यामुळे कर्जत मतदार संघात कोरोना संसर्ग प्रादुर्भाव रोखण्यासाठी प्रयत्न सुरु आहेत.

          या बैठकीत आरोग्य खात्याचे, महसूल आणि पोलिस प्रशासनाचे सर्व अधिकारी उपस्थित होते. जिल्ह्यातील सर्व यंत्रणे संदर्भात या बैठकीत आढावा घेण्यात आला आहे. पालकमंत्री आदिती तटकरे यांनी सोशल डिस्टन्स ठेवुन काही सुचना आरोग्य अधिकारी आणि महसुल व पोलिस प्रशासनास या बैठकीत केल्या.

          या पार पडलेल्या बैठकीस मावळचे खासदार श्रीरंग अप्पा बारणे, कर्जत मतदार संघाचे आमदार महेंद्रशेठ थोरवे, कर्जतचा प्रांत अधिकारी वैशाली परदेशी, कर्जत तालुक्याचे तहसिलदार विक्रम देशमुख, खालापुरचे तहसिलदार, कर्जत खालापुरचे आरोग्य अधिकारी तसेच इतर विभागाचे अनेक अधिकारी उपस्थित होते. यावेळी सोशल डिस्टन्स पालुन ही बैठक पार पडली.

          दरम्यान रायगड जिल्ह्यात कोरोना संसर्ग रोखण्यासाठी रायगडचा जिल्हाधिकारी निधी चौधरी या प्रंचड सतर्क असल्याचे बोलले जात आहे. तसेच रायगड जिल्ह्याचे पालकमंत्री अदिती तटकरे या परिस्थितीवर लक्ष ठेवुन आहेत. रायगडचे पोलिस अधिक्षक अनिल पारस्कर यांनी शासनाचे लाॅकडाऊन कालात पोलिसांना वारंवार विविध सुचना देत असल्याने रायगड जिल्ह्यात कोरोना विषाणु संसर्ग सध्यातरी आटोक्यात आसल्याचे दिसत आहे. तसेच कर्जत तालुक्यांचे आमदार महेंद्रशेठ थोरवे हे स्वःता कर्जतकरांना खबरदारी घेण्याचे आवाहन करीत आहेत. त्यामुळे कर्जत तालुक्यांतील कोरोना संसर्गाचा अद्याप शिरकाव नसल्याचे दिसत आहे. असे असतानाच परिस्थतीती अशीच नियंत्रणत राहावी याकरता रायगडचा पालकमंत्री कु.अदिती तटकरे यांनी कर्जत विधानसभा मतदार संघात खासदार आणि आमदार यांच्या उपस्थितीत कोरोना संसर्ग रोखण्याचा आढावा घेवुन प्रशासनास काही सुचना केल्या आहेत.