कर्जत(धर्मानंद गायकवाड):- संपुर्ण देशासह रायगड जिल्ह्यातील कर्जत तालुक्यांतील विविध ठिकाणी डाॅ. बाबासाहेब आंबेडकर यांची १२९ वी जंयती भीमसैनिकांनी मोठ्या उत्साहात सोशल डिस्टन्स पाळुन साजरी केली आहे. यावेळी अनेक भीमसैनिकांनी घरच्या घरीच ही जंयती साजरी केली असतानाच नेरळ ग्रामपंचायतीचा वतीनेही सोशल डिस्टन्स पाळत हा भीमजंयती उत्सव साजरा  करण्यात आली आहे.

            सध्या देशात सर्वत्र कोरोनाचे संकट असल्याने संपुर्ण जग चिंतेत आहे. असे असतानाच बहुजनांचे उद्धारक, विश्वरत्न डाॅ. बाबासाहेब आंबेडकर यांची आज १४ एप्रिल रोजी जंयती असल्याने या वर्षी हा जंयती महोत्सव घरच्या घरी साजरी करण्याचे आवाहन बहुजन नेत्यांनी व सरकारने केले होते. याचा आदर करीत ठिकठिकाणी भीमसैनिकांनी हा जंयती महोत्सव घरीच साजरा केला आहे. मात्र घरी भीमजंयती महोत्सव साजरी करतानाही भीमसैनिकांचा चेहऱ्यावर प्रंचड उत्साह दिसुन आला आहे.

          कर्जत तालुक्यांतील काही शासकीय कार्यालयासह नेरळ ग्रामपंचायतीतही घटनाकार डाॅ. बाबासाहेब आंबेडकर यांचा जंयतीनिमित्त दलितांचे कैवारी डाॅ. बाबासाहेब आंबेडकर यांच्या प्रतिमेस पुष्पहार अर्पण करुन अभिवादन करण्यात आले आहे. यावेळी नेरळचे सरपंच रावजी शिंगवा, ग्रामपंचायत सदस्य धर्मानंद गायकवाड, जयश्री मानकामे, संतोष शिंगाडे, उमाताई खडे, गितांजली देशमुख यासंह केतन पोतदार आणि अन्य जण उपस्थितीत होते. सोशल डिस्टन्स पाळत ठिकठिकाणी भीमसैनिकांनी हा भीमजंयती उत्सव घराबाहेर न पडता साजरी केली आहे.