मुंबई :( जीवन तांबे )मुंबईभर  कोरोना बाधित रुग्णांच्या संख्या मोठ्या प्रमाणात वाढत असताना चेंबूर परिसरात मोठ्या झोपडपट्टीत कोरोनाने शिरकाव केल्याने चेंबूर परिसरात भीतीचे वातावरण पसरले आहे. 

 मुंबईतील मोठ्या प्रमाणात असलेला झोपडपट्टीचा परिसर म्हणून पी. एल, लोखंडे मार्गावर ओळखला जातो. या झोपडपट्टीत कोरोनाने शिरकाव केला असल्याने दोन दिवसात  या परिसरात कोरोना बाधित   एकूण 8 रुग्ण आढळले आहे.

तर या महात्मा फुले नगर आणि मुकुंद नगर मधील एकूण 42 जणांना पालिकेच्या माँ तर सांडू उद्याना जवळील जॉय रुग्णालयात विलगिकरणा करिता ठेवण्यात आले आहे. चेंबूर येथील पी.एल लोखंडे मार्गावर सर्वात मोठ्या झोपडपट्टीत कोरोनाने शिरकाव केल्याने नागरिकांमध्ये भीतीचे वातावरण पसरले आहे. 

आशिया खंडातील सर्वात मोठी झोपडपट्टी म्हणून   धारावी ओळखली जाते.

या झोपडपट्टीत कोरोनाचे शिरकाव केल्याने सध्या एका कोरोना बाधित रुग्णाचा मृत्यू झाला आहे. तर धारावीत काम करणारा पालिका कर्मचारी यांला ही कोरोनाची लागण झाली असून त्याच्या घरातील तो सध्या कस्तुरबा रुग्णल्यात उपचार घेत आहे.  त्यामुळे प्रशासनासह येथील लोकांचे धाबे दणाणले आहेत.   

काहीजण गंमतीने म्हणायचे कोरोना हा परदेशवारी करणाऱ्या पैसेवाल्यांचा रोग  आहे. परंतु हा कोरोना आता  झोपडपट्टीतील गरिबांना होत आहे. चेंबूर येथील चेंबूर नाका जवळ असलेल्या साई या खाजगी रुग्णालयातून कोरोना पन्नास हजाराहून अधिक लोकसंख्या असलेल्या पी. एल. लोखंडे मार्गातील महात्माफुले नगरातील झोपडपट्टीत दाखल झाला आहे. आत्तापर्यंत या भागात एकूण 8 जणांना कोरोनाची लागण झाल्याचे धक्कादायक प्रकार समोर आला आहे. 

चेंबूर नाका येथील साई या खाजगी रुग्णालयात कोरोना ता.25 मार्च रोजी कोरोना बाधित  रुग्ण आढळला होता.

या रुग्णालयात असलेल्या सर्व कर्मचारी यांची कोरोना चाचणी करण्यात आली.त्यानंतर सर्व स्टाफला क्कारंटाईन करण्यात आले होते. त्यातील रिसीपनिस्ट असलेली  विवाहित महिला पी.एल. लोखंडे मार्गावरील महात्मा फुले नगरात राहते तिची  कोरोना चाचणी बाधित आली. तिच्या संपर्कात आलेले तसेच  आईवडिलांना देखील कोरोनाची लागण झाल्याचे निष्पन्न झाले. पालिकेने महात्मा फुले नगरातील एकूण 21 जणांना विलगीकरणं कक्षात ठेवण्यात आले होते.

 त्यातील 4 जणांची  कोरोना    चाचणी पॉझिटिव्ह आली. या महात्मा फुले नगरात एकून 8 रुग्ण आहेत. या महात्मा फुले नगरा समोरच मुकुंद नगर आहे. त्यात एक जण कोरोना बाधित रुग्ण आढळला आहे. मुकुंद नगर मधील कोरोना बाधित रुग्ण हा इनलॅक्स या खाजगी रुग्णालयात एक्स रे विभागात कामाला होता. याच रुग्णालयात एका टॅक्सी चालकाचा कोरोनाने मृत्यू झाला होता त्याचा उपचार दरम्यान त्याने त्याचा एक्स रे काढला होता तेव्हा त्याला लागण झाल्याचे समोर आले आहे. 

पीएल लोखडे मार्गावर कोरोना बाधित रुग्णाची संख्या दिवसेंदिवस वाढत असल्याने पालिकेने या परिसरात आरोग्य शिबीर घेत आहेत.सर्व नागरिकांची  तपासणी करण्यात आली आहे. आता पर्यंत पालिकेने महात्मा फुले नगर आणि मुकुंद नगर मधील 42 जणांना पालिकेच्या माँ व सांडू उद्याना जवळील खाजगी असलेल्या जॉय रुग्णालयात क्कारंटाईन केले आहे. 

चेंबूर परिसरात आत्तापर्यंत एकूण 23 जण कोरोना बाधित रुग्ण  आढळले असून 2 जणांचा मृत्यू झाला आहे. चेंबूर परिसरातील 12 ठिकाणे सील केले असून त्यामध्ये टिळकनगर, माहुल, छेडानगर, पी. एल. लोखंडे मार्गाचा समावेश आहे.

तर महात्मा फुले नगर व मुकुंद नगर हॉटस्पॉट म्हणून घोषित केले आहे