कर्जत(धर्मानंद गायकवाड):- देशात सर्वत्र कोरोनाचे संकटाने थैमान घातले असतानाच रायगड जिल्ह्यातील कर्जतचे लोकप्रिय आमदार महेंद्रशेठ थोरवे यांचा आमदारकीचा कारकिर्दीतला काल ७ एप्रिल रोजी पहिला वाढदिवस असतानाच कर्जतचे आमदार मात्र कर्जत विंधानसभा मतदार संघात सोशल डिस्टन्स ठेवत अन्नधान्य वाटपात मग्न असल्याचे दिसुन आले आहे. त्यामुळे देश संकटात असताना स्वताचा वाढदिवस साजरा करणेपेक्षा गोरगरीबांना मदतीचा हात आमदार थोरवे यांनी दिल्याने मतदार संघात समाधानाचे वातावरण पसरले आहे. तसेच लोकनेता कसा असावा याचे उत्तम उदाहरण काल थोरवे यांच्याकडे बघितल्यानंतर दिसुन आले आहे.

            काल खोपोली नगरपरिषद हद्दीत चींतवली, लौजी, शेडवली, शिळफाटा, सुभाष नगर अशा विविध भागात काल आमदार महेंद्र थोरवे यांच्या वाढदिवसा निमित्त अन्न धान्याचे वाटप करण्यात आले आहे. यावेळी आमदार महेंद्र थोरवे फाऊंडेशनचे सर्व पदाधिकाऱ्यांसह खोपोली शिवसेनेचे शहर प्रमुख सुनील पाटील, युवासेना शहर प्रमुख संतोष मालकर, संदीप पाटील, नगरसेवक अमोल जाधव यासंह अनेक पदाधिकारी उपस्थित होते. त्यानंतर डोलावली येथेही आमदार महेंद्र थोरवे यांच्या वाढदिवानिमित्त आमदार महेद्र थोरवे फाऊंडेशन  च्या माध्यमातून अन्न धान्य वाटप झाले आहे. यामघे सर्व गरजू लोकांना धान्य वाटप करण्यात आले. यावेळी येथे  खालापूर तालुका प्रमुख संतोष विचारे, सरपंच चंदन भरती, महिला आघाडी नीलम ताई चोरगे, युवासेना अधिकारी महेश पाटील,उप तालुका प्रमुख भाई देशमुख हे उपस्थितीत होते.

          दरम्यान खालापुर तालुक्यांसह कर्जत तालुक्यातही कर्जतचे आमदार महेद्र थोरवे यांनी काल ठिकठिकाणी जावुन गोरगरीब जनतेला मदतीचा हात दिला आहे. कर्जत तालुक्यांतील शेकडो जणांना आमदार थोरवे यांनी अन्नधान्य वाटप केले. यावेळी त्यांचा समवेत तालुका प्रमुख, विभाग प्रमुख आणि अन्य जण उपस्थितीत होते. कर्जतचे आमदार थोरवे यांचा आमदार कारकिर्दीतील पहिला वाढदिवस होता. मात्र कोरोना संकटामुळे शिवसैनिक आणि त्यांचा चाहत्यांचा हा वाढदिवस साजरा करता आला नाही. त्यामुळे कार्यकर्त्यांनी हुरहूर लागली असल्याचे काही कार्यकर्त्यांनी सांगितले आहे. तसेच मतदार संघातील सर्वांनी घरात बसा, सुरक्षितता बाळगा असे आवाहन कर्जतचे आमदार थोरवे यांनी केले आहे. त्याचप्रमाणे तुम्ही घरात बसणे याचं आपणास आपल्या  वाढदिवसाचा शुभेच्छा असतील असेही आवाहन कर्जतचे आमदार थोरवे यांनी कर्जतकरांना पत्रकारांशी बोलताना केले आहे.