संचारबंदीचे उल्लंघन करणाऱ्यांवर परिमंडळ ६ अंतर्गत विविध पोलीस ठाण्यात धडक कारवाई!
- by Adarsh Maharashtra
- Apr 07, 2020
- 348 views
मुंबई : ( जीवन तांबे )मुंबईत कोरोना रुग्णांच्या संख्येत झपाट्याने वाढ होत असून अशीच परिस्थिती राहिल्यास अडचणीत आणखीन भर पडणार आहे. सध्या संचारबंदी असताना काही महाभाग बिनधास्तपणे त्याची पायमल्ली करताना दिसत आहेत. पूर्व उपनगरातील अश्या महाभागांवर परिमंडळ ६ च्या विविध पोलीस ठाण्यांतर्गत धडक कारवाई करण्यात आली.
चेंबूर, टिळकनगर, माहुल, मानखुर्द गोवंडी ट्रॉम्बे, शिवाजीनगर भागात मोठ्या प्रमाणात कोरोना बाधित रुग्ण आढळून आले आहेत. प्रशासनाने देखील या भागांवर लक्ष केंद्रित केले असून जंतुनाशक फवारणी देखील केली आहे. संचारबंदीच्या काळात अत्यंत महत्त्वाचे काम असेल तर घरातून बाहेर जा तेही सामाजिक अंतर राखून असे आवाहन प्रशासनाकडून वारंवार करण्यात येत आहे. मात्र काही महाभाग विनाकारण घराबाहेर जाऊन आपले व दुसऱ्यांचे देखील आरोग्य धोक्यात घालत आहेत. अश्या महाभागांच्या विरोधात परिमंडळ ६ च्या विविध पोलीस ठाण्यात ५७ गुन्हे दाखल करण्यात आले आहेत. तर ७९ जणांना अटक करण्यात आली असून ३४ वाहने जप्त करण्यात आली आहेत. यामध्ये २१ दुचाकी, १२ रिक्षा व एक कार जप्त करण्यात आली आहे.
पोलिसांनी केलेल्या धडक कारवाई मुळे रस्त्यावर विनाकारण बाहेर पडणाऱ्यांचे धाबे दणाणले आहेत. तुरळक वाहतूक असलेल्या पूर्व उपनगरातील अनेक रस्त्यांवर शुकशुकाट पाहायला मिळाला
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम