कर्जत(धर्मानंद गायकवाड):- रायगड जिल्ह्यातील नेरळ शहारातील कर्जत अपडेट ग्रुपचा वतीने आज सकाळीच नेरळ शहारातील धारप सभाग्रुहात रक्तदान शिबीराचे आयोजन करण्यात आले होते. यावेळी अनेक क्षेत्रातील मंडळीनी या रक्तदान शिबीरास उत्सफुर्त प्रतिसाद देवुन रक्तदान केल्याचे दिसुन आले आहे. तर कोरोना संसर्ग विरोधाच्या लढ्यात कर्जत अपडेट ग्रुपनेही रक्तदान शिबीर करुन सरकारला हातभार लावल्याचे बोलले जात आहे.

         सध्या देशात कोरोना व्हायरसचे मोठे संकट देशावर आले आहे. अनेकांना कोरोना व्हायरसची लागण झाली आहे. कोरोना व्हायरस लागण झालेल्या रुग्णासंह इतर रुग्णांना रक्ताची मोठी आवश्यकता भासत असुन रुग्णालयामधे आणि विविध रक्तपेढ्यांमधे रक्ताची कमतरता भासत आहे. ही कमतरता भरुन काढण्यासाठी आणि या संकटावर मात करण्यासाठी राज्याचे मुख्यमंत्री उद्धवजी ठाकरे, रायगडचा जिल्हाअधिकारी श्रीम. निधी चौधरी, जिल्हा पोलिस अधिक्षक अनिल पारसकर यांनी रक्तदान करण्याचे आवाहन केले होते. त्यानुसार कर्जत तालुक्यांतील कर्जत अपडेट व्हाॅटसाप ग्रुपच्या वतीने नेरळ मध्ये धारप सभाग्रुहात रक्तदान शिबीर ठेवण्यात आले होते.

       या रक्तदान शिबीराचे उद्घाटन कर्जत पंचायत समितीचा सभापती सुजाता मनवे, जिल्हा परीषद सदस्या अनुसया पादीर, नेरळचे सरपंच रावजी शिंगवा, नेरळ पोलिस ठाण्याचे अधिकारी अविनाश पाटील, सरपंच रावजी शिंगवा, उपसरपंच शंकर घोडविंदे यांच्या हस्ते करण्यात आले आहे. यावेळी नागरिकांनी सोशल डिस्टन्स ठेवुन गर्दी न करता आणि स्वच्छतेचे नियम पाळुन रक्तदान केले आहे. तसेच या रक्तदानावेळी संचारबंदी आणि कोरोना संबंधीच्या सरकारात कोणत्याही सुचंनांचे उल्लंघन होणार नाही याची काळजी घेण्यात आली होती. या वेळी नेरळ शहरातील अनेक जणांनी येथे रक्तदान केले आहे.

         दरम्यान हे रक्तदान शिबीराचे आयोजन कर्जत अपडेट ग्रुप, सार्वजनिक रक्तदाते राजाभाऊ कोठारी, हुतात्मा स्मारक समिती, युवा मित्र मंडळ मोहाचीवाडी, सिद्धीविनायक मित्र मंडळ पाडा, नेरळ नववर्ष स्वागत यात्रा, शिवराज प्रतिष्ठान, नेरळ रेल्वे सामाजिक युवा संस्था यांनी केले होते. हे रक्तदान शिबीर सकाळी १० ते दुपारी ३ यावेळेत संपन्न झाले आहे. त्यामुळ सरकारचा कोरोना संसर्ग युद्धात कर्जत अपडेट या ग्रुपचाही हातभार लागला आहे.