उद्धव ठाकरेंची अडचण; २८ मेपर्यंत आमदार होणे आ‌वश्यक
निवडणूक जाहीर झाली नाही तर पुन्हा घ्यावी लागेल शपथ
- by Adarsh Maharashtra
- Apr 04, 2020
- 780 views
◾येत्या २४ एप्रिलला विधान परिषदेच्या ९ जागा रिक्त होत आहेत
◾तर निवडणूक आयोगाने अद्याप याची तारीख जाहीर केलेली नाही.
मुंबई :-लॉकडाऊन राज्याचे मुख्यमंत्री उद्धव ठाकरे यांच्यासाठी अडचण ठरण्याची शक्यता आहे. मागील वर्षी नोव्हेंबरमध्ये मुख्यमंत्रिपदाची शपथ घेतलेले उद्धव हे सध्या दोन्ही सभागृहांचे सदस्य नाहीत. घटनेच्या कलम १६४ (४) नुसार त्यांना पदावर राहण्यासाठी मुख्यमंत्री झाल्यापासून सहा महिन्यांच्या आत विधानसभा किंवा विधान परिषदेचा सदस्य होणे आ‌वश्यक आहे. ठाकरे यांनी २८ नोव्हेंबरला शपथ घेतली होती. त्यानुसार त्यांना २८ मेपर्यंत आमदार होणे आ‌वश्यक आहे.मात्र कोरोनामुळे राजकीय हालचाली थंडावल्या आहेत. मार्चमधील प्रस्तावित ग्रामपंचायत निवडणुका स्थगित करण्यात आल्या आहेत.
येत्या २४ एप्रिलला विधान परिषदेच्या ९ जागा रिक्त होत आहेत. त्या दृष्टीने ठाकरे यांनी विधान परिषद सदस्य बनण्याची तयारी केली होती. मात्र निवडणूक आयोगाने अद्याप याची तारीख जाहीर केलेली नाही. आयोगाने याआधी राज्यसभेच्या निवडणुकाही स्थगित केल्या आहेत. याचीही तारीख नंतर घोषित होणार आहे.यामुळे अडचणीत भर पडली.
राज्याचे मुख्य सचिव अनंत कळसे यांनी सांगितले की, मेपर्यंत निवडणुकांच्या तारखा जाहीर झाल्या नाहीत तर ठाकरे यांच्यासह मंत्रिमंडळाला राजीनामा देऊन पुन्हा शपथ घ्यावी लागेल.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम