कर्जत(धर्मानंद गायकवाड):- रायगड जिल्ह्यातील कर्जत तालुक्यांतील कर्जत आणि नेरळ शहरात भाजपाचा विविध पदाधिकाऱ्यांनी कोरोना संकट काळात गरीब व गरजूंना जीवनावश्यक वस्तुंचे वाटप केले आहे. त्यामुळे या संकटकालात भाजपाचा तालुक्यांतील नेत्यांनी मदतीचा हात गरजूंना दिल्याने अनेकांना दिलासा मिळाला आहे.

         रायगड जिल्ह्यातील कर्जत तालुक्यांतील नेरळ शहरातील काही भागांत भाजपाचे तालुका अध्यक्ष मंगेश म्हसकर यांनी कोरोना संकट समया नुकताच नेरळ भागातील पायरमाल आणि इतर काही भागांत गरीब आणि गरजूंना अन्नधान्याचे  वाटप केले आहे. यावेळी नेरळ शहारातील अनेक भाजपाचे पदाधिकारी व महीला पदाधिकाऱ्यांनी या जीवनावश्यक उपक्रमांत सहभाग घेतला होता.  त्यानंतर आज कर्जत शहारातीलही भाजपाच्या पदाधिकाऱ्यांनी कर्जत शहरातील परीसरात कोरडा शिधा वाटप केला अाहे. त्यामुळे कर्जतचे भाजपा पदाधिकारी आपआपल्या परीने कर्जत तालुक्यांत गरीब व गरजूंना मदत करीत असल्याचे पाहावयास मिळत आहे.

         कर्जत तालुक्यांतील भाजपाचे पदाधिकारी सुनिलजी गोगटे यांच्यासह काही भाजपा पदाधिकाऱ्यांनी कर्जत तालुक्यांतील नागुर्ले आदिवासी वाडीतील 30 कुटुंबाना आज कोरडा शिधा वाटप केला आहे. गरजूंना हे शिधा वाटप करणेत आले आहे. यावेळी भाजपाचे कर्जत नगरपरीषदेचे  उपनगराध्यक्ष अशोकशेठ ओसवाल, कर्जतचा नगरसेविका सौ. जिनगरे, सौ.मांजरे, श्री. दीपक बेहेरे, राजेश भगत, मंदार मेहेंदळे, घनश्याम परांजपे, गायत्री परांजपे, सूर्यकांत गुप्ता, सौ. दळवी, दिनेश भरकले यांसह अनेक पदाधिकारी येथे उपस्थितीत होते. त्यानंतर कर्जत भिसेगाव येथील 50बांधकाम मजुरांनाही येथे जेवण देण्यात आले आहे. भारतीय जनता पार्टी महाराष्ट्राचा वतीने 5लाख लोकांना रोज  जेवण देण्याचे उद्दिष्ट ठेवण्यात आले आहे त्यात खारीचा वाटा म्हणून कर्जत भाजपा टीमचाही सहभाह असेन असे भाजपाचे प्रदेश नेते सुनिल गोगटे यांनी पत्रकारांना सांगितले.