कर्जत(धर्मानंद गायकवाड):- रायगड जिल्ह्यातील कर्जत तालुक्यांतील नेरळ ग्रामपंचायतीचा वतीने आज पासून नेरळ शहरातील सर्व प्रभागात कोरोना पासुन बचाव होण्याकरता सेनेटायझरचे वाटप करण्यास सुरूवात करण्यात आली आहे. यावेळी वारंवार हात स्वच्छ धुण्याचा नारा नागरीकांना दिला जात असुन नेरळमध्ये “स्वच्छता पाळा आणि कोरोना पळवा” असा नारा नेरळ ग्रामपंचायत प्रशासनाकडून दिला जात आहे.

            सध्या देशात कोरोना व्हायरसने जबरदस्त थैमान घातले असल्याने संपुर्ण देशात या कोरोना विरुद्ध लढा सुरु सर्वत्र सुरु आहे. भारत सरकार व राज्य सरकार प्रंचड  कसरत या कोरोना व्हायरस पासुन नागरीकांचा बचाव करण्यासाठी करताना दिसत अाहे. असे असतानाच नेरळ ग्रामपंचायतीचा वतीनेही येथे काही उपाययोजना सुरु करण्यात आल्या आहेत. आज संपुर्ण नेरळ शहरातील सहा प्रभागात सेनेटायझरचे वाटप येथे करण्यात येत आहे.

         आज सकाळपासूनच नेरळ शहरातील सर्व प्रभागात हे सेनेटायझर त्या त्या प्रभागातील सदस्यांच्या नेत्रुत्वाखाली वाटप करण्याचे सुरुवात झाली आहे. हे सेनेटायझर नागरीकांनी वारंवार हाताला लावुन हात स्वच्छ धुवून स्वच्छता पाळण्याचे आवाहन नेरळचे सरपंच रावजी शिंगवा आणि नेरळ ग्रामपंचायतीचे ग्रामविकास अधिकारी एम. डी. गोसावी यांनी पत्रकारांशी बोलताना केले आहे.

        दरम्यान नेरळ शहारात सेनेटायझरच्या  वाटपाने कोरोना व्हायरस रोखण्यास मदत होणार असुन स्वच्छतेचा एक भाग म्हणुन  नेरळ ग्रामपंचायतीने निर्जंतुकीकरण फवारणीही गावात सुरु केली आहे. त्यामुळे येथे आता नागरीकांनीही आपली स्वताची काळजी स्वता घेणे गरजेचे आहे. नागरीकांनी येथे संयम ठेवुन घरात राहील्यास नेरळ शहरात कोरोनाचे रुग्णही आढळणार नाहीत असे ग्रामपंचायत प्रशासनाकडुन सांगण्यात येत आहे.