द इमाॅरटल मेलोडिज आॅफ मोहम्मद रफी सुरेल वाद्यवृंद संपन्न
- by Adarsh Maharashtra
- Mar 14, 2020
- 821 views
मुंबई (प्रतिनिधी): हिंदी चित्रपट सृष्टीतील महान गीतकार साहिर लुधायानवी यांच्या ९९ व्या जयंतीचे औचित्य साधून संस्कृती एन्टरटेन्मेंट प्रेझेंट " द इमाॅरटल मेलोडिज आॅफ मोहम्मद रफी " हा बाॅलिवुडच्या महान पार्श्वगायक मोहम्मद रफी यांनी गायलेल्या कृष्ण धवल ( B/W ) हिंदी चित्रपटातील सृष्टीतील लोकप्रिय , सुपरडुपर , गाजलेल्या ,अविस्मरणीय आणि अवीट गोडीच्या गाण्यांचा सुपर फास्ट लाईव्ह आॅर्केस्ट्रा विलेपार्ले येथील दिनानाथ मंगेशकर नाट्यगृहात संपन्न झाला . या कार्यक्रमाच्या सुरुवातीला " कौन कहता है मोहब्बत की जबाॅं होती है , ये हकीकत तो निगाहों से बयाॅं होती है " या महान शायर साहिर लुधियानवी यांच्या गाजलेल्या शेरोशायरीला उपस्थित रसिकांनी टाळ्यांची दाद दिली . या संगीत मैफलीची , निर्मिती हरीश कल्याणपूर यांनी केली होती .
या श्रवणीय गीतांच्या आॅर्केस्ट्राचे संगीत संयोजक देवा बंगेरा यांच्या मार्गदर्शनाखाली ८ टाॅप वादकांच्या संगीत साथीने सुप्रसिद्ध गायक सर्वेश मिश्रा , हरीश कल्याणपूर , सरीता राजेश , ईर्शाद अन्सारी , श्रद्धा वागराळकर , श्रृती नायक
यांनी गायलेल्या एका पेक्षा एक सरस लोकप्रिय गाण्यांना , युगुल
गीतांना मोठ्या संख्येने उपस्थित असलेल्या रसिकांनी टाळ्यांच्या कडकडाटात प्रचंड प्रतिसाद दिला . विशेषतः बार बार देखो ( सर्वेश मिश्रा ) दिल तेरा दिवाना है सनम ( हरीश कल्याणपूर आणि सरीता राजेश ) मांग के साथ तुम्हारा ( सर्वेश मिश्रा आणि श्रध्दा वागराळकर) तू गंगा की मौजमे ( ईर्शाद अन्सारी ) जिंदगी भर नहीं भुलेगी वो बरसात की रात ( हरीश कल्याणपूर आणि श्रृती नायक ) ही गाणी सादर करून गायकांनी रसिकांची मने जिंकली . तसेच या कार्यक्रमात गीतकार साहिर लुधियानवी यांची गाजलेली गाणी सादर करून रसिकांना मंत्रमुग्ध केले .
या कार्यक्रमाचे सूत्रसंचालन निवेदन सुप्रसिद्ध निवेदक राजेश सुब्रमणियन यांनी केले . हा भव्य दिव्य लाईव्ह आॅर्केस्ट्रा सर्व रसिक प्रेक्षकांच्या पसंतीस उतरला . या कार्यक्रमाला मुंबई महानगरपालिकेचे सह आयुक्त माननीय श्री. आनंद वागराळकर , मोहम्मद रफी फॅन फाऊंडेशनचे अध्यक्ष विनू नायर , पत्रकार लक्ष्मण राजे , गायक मंगेश देवकुळे , सचीन उघाडे , तुषार पंडित, वनवीर , प्रमोद राजपूत , अमित राजे , बिपीन उघाडे आणि छायाचित्रकार अनिश मल्लापुर खास आवर्जून उपस्थित होते .
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम