मुंबई (प्रतिनिधी) : श्रीकृष्ण शिक्षण प्रसारक मंडळ, कार्टूनिस्ट कंबाईन आणि कार्टूनिस्टस् कॅफे क्लब यांच्या संयुक्त विद्यमाने अॅक्टिव्हिटी सेंटर, श्रीकृष्ण नगर, बोरिवली येथे आखिल भारतीय व्यंगचित्रकार संमेलन 2020 भरले आहे. दोन दिवस चालणार्या या संमेलनाचे प्रमुख पाहुणे सुप्रसिद्ध नाटककार शांकाराम गवाणकर होते. अध्यक्षस्थानी कार्टूनिस्ट कंबाईन आणि कार्टूनिस्ट कॅफे क्लबचे अध्यक्ष सुप्रसिध्द व्यंगचित्रकार संजय मिस्त्री होते.

या संमेलनात बोलताना प्रमुख पाहुण गंगाराम गवाणकर म्हणाले, "व्यंगचित्रकार सगळ्यांची सकाळ सुशोभित करतात. त्यांचे आभार. संमेलनाला राजकीय मदतीची गरज आहे."

अध्यक्षीय भाषणात सुपसिध्द व्यंगचित्रकार संजय मिस्त्री म्हणाले, आपले मुख्यमंत्री उद्धव ठाकरे हे जगप्रसिद्ध व्यंगचित्रकाराचे सुपुत्र आहेत. त्यांनी लहानपणापासून व्यंगचित्रकारांचे जीवन कसे असते हे पाहिले आहे, त्यांनी खरं तर व्यंगचित्रकलेकडे लक्ष दिले पाहिजे. संमेलनाला यायला हवे, मदत करायला हवी. राजसाहेब ठाकरे हे व्यंगचित्रकार असल्यामूळे त्यांना व्यंगचित्रकलेतील बदल, व्यंगचित्रकारांबद्दल प्रचंड प्रेम आहे आमच्या संमेलनाला ते आवर्जून  येतात. उध्दव आणि आदित्य यांनीही पुढील संमेलनाला नक्की यावे.

कार्यक्रमाचे सुरेख सूत्रसंचालन संस्थेचे सचिव योगेंद्र भगत यांनी केले. याप्रसंगी सुप्रसिद्ध अभिनेते अरूण नलावडे हेही उपस्थित होते. महाराष्ट्रालील तमाम व्यंगचित्रकारांची उपस्थिती यावेळी होती. यात शि. द. फडणीस, चारूहास पंडित

वैजनाथ दुलंगे, निखिल मुळ्ये, घनश्याम देशमुख, धनराज गरड, अतुल पुरंदरे, प्रशांत कुलकर्णी यांच्या व्यंगचित्रांचे प्रदर्शन हे या संमेलनाचे वैशिष्ट्य आहे. कार्यक्रमात दिवंगत व्यंगचित्रकार विकास सबनीस यांना जीवनगौरव पुरस्कार देऊन सन्मानित करण्यात आले. कार्यक्रमाचे आयोजन सुनील डहाळे यांनी केले आहे.