मुंबई(प्रतिनिधी): मुंबई खो-खो संघटनेच्या मान्यतेने व मनसे शाखा क्रमांक 192 च्या सहकार्याने आयोजित मनसे चषक महिला मुंबई जिल्हा निमंत्रित खो-खो स्पर्धा केशवराव दाते क्रीडांगण, पोर्तुगीज चर्चच्या मागे, दादर (प.) मुंबई येथे 4 व 5 मार्च या कलावधीत जागतिक महिला दिनानिमित्त आयोजित केली आहे. सदर स्पर्धेच्या उद्घाटन प्रणसंगी दादर वाहतूक विभागाचे सिनिअर पी. आय. किशोर शिंदे मनसे विभागाचे विभाग अध्यक्ष यशवंत किल्लेदार तसेच मुंबई खो खो संघटनेचे उपाध्यक्ष बाळासाहेब तोरसकर प्रमुख कार्यवाह सुरेंद्र विश्वकर्मा कर्योउपाध्यक्ष प्रफुल पाटील, सह कार्यवाह विकास पाटील, श्रीकांत गायकवाड हे उपस्थित होते.

महिला गटाच्या उपांत्य फेरीच्या पहिल्या सामन्यात शिवनेरी सेवा मंडळाने ओम सा ईश्वर सेवा मंडळाचा १०-०५ (१०-०३-०२) असा १ डाव ५ गुणांनी पराभव केला. शिवनेरी तर्फे खेळताना मयुरी लोटणकरने नाबाद २:३० मिनिटे संरक्षण करत आक्रमणात १ खेळाडू बाद केला, प्रतिक्षा महाजनने १:२० मिनिटे संरक्षण करत आक्रमणात तीन खेळाडू बाद केले तर समीक्षा चव्हाणने नाबाद ३:०० मिनिटे संरक्षण केले. ओम साईश्वर तर्फे खेळताना रश्मी दळवीने १:५० मिनिटे संरक्षण करत आक्रमणात २ खेळाडू बाद केले तर अथश्री तेरवणकरने १:१० मिनिटे संरक्षण करत चांगला खेळ केला.  

महिला गटाच्या दुसऱ्या उपांत्य फेरीच्या सामन्यात अमर हिंद मंडळाने श्री समर्थ व्यायाम मंदिराचा ०५-०४ (०५-०२-०२) असा १ डाव १ गुणांनी पराभव केला. अमर हिंद मंडळातर्फे खेळताना संजना कुडवने ५:००, नाबाद १:३० मिनिटे संरक्षण करत आक्रमणात १ खेळाडू बाद केला, रिद्धी कबीरने २:००, ४:०० मिनिटे संरक्षण केले, रुद्रा नाटेकरने नाबाद २:००, २:३० मिनिटे संरक्षण केले, देविक्षा म्हात्रेने आकमणात ३ खेळाडू बाद केले. तर श्री समर्थ कडून खेळताना भक्ती धांगडेने २:०० मिनिटे संरक्षण करत आक्रमणात १ खेळाडू बाद केला अनुष्का प्रभूने २:३० मिनिटे संरक्षण करत जोरदार लढत दिली.

यापूर्वी झालेल्या महिला गटाच्या उपउपांत्य फेरीच्या सामन्यात शिवनेरी सेवा मंडळाने आर्य सेना या संघाचा (०९-०४) असा १ डाव ५ गुणांनी पराभव केला. दुसर्‍या उपउपांत्य फेरीच्या सामन्यात ओम साईश्वर सेवा मंडळाने विजय क्लब या संघाचा ०४-०२ ( ०४-०१-०१) असा १ डाव २ गुणांनी पराभव केला. तिसर्‍या उपउपांत्य फेरीच्या सामन्यात श्री समर्थ व्यायाम मंदिराने वैभव स्पोर्ट्स क्लब या संघाचा १०-०६ (१०-०३-०३) असा १ डाव ४ गुणांनी पराभूत केले.