मुंबई (प्रतिनिधी): 'नाव मोठे लक्षण खोटे' या म्हणीचा प्रत्यय सध्या पायधुनी वाहतूक विभागाला येत आहे. याचे कारणही तसेच आहे. पायधुनी वाहतूक शाखेचे वरिष्ठ पोलीस निरीक्षक शिवाजी शिवतरे यांच्या बेजबाबदार आणि कामचुकार नितीमुळे वाहतूक समस्या दिवसेंदिवस वाढत आहेत. याचा फटका सर्वसामान्य लोकांना बसत असून पायधुनी विभागाच्या वाहतुकीचा बोजवारा उडाला आहे. त्यांच्या अशा वागणुकीमुळे पायधुनी वाहतूक शाखा बदनाम होत आहे.


बेजबाबदार वरिष्ठ पोलिस निरीक्षक शिवाजी शिवतरें मुळे पायधुनी वाहतूक शाखा होतेय बदनाम

पायधुनी वाहतूक शाखेतील एका अधिकाऱ्याने (नाव न सांगण्याच्या अटीवर) आमच्या प्रतिनिधींशी संवाद साधत शिवतरे यांच्या बेजाबदार कारभारामुळे इतर अधिकाऱयांचे कसे खच्चीकरण होते, तसेच कशा अडचणी येतात याचा पाढाच त्यांनी  वाचला. शिवतरे आधी गुन्हे शाखेत होते त्यामुळे त्यांच्या अनुभवाचा विशेष फायदा वाहतूक समस्या सोडविण्याकरिता होईल असे वाटत होते परंतु शिवतरेमुळे वाहतुकीची संपूर्ण शिस्तच बिघडून बेकायदा कंटेनर पार्किंग माफियांचा सुळसुळाट झाला आहे. बेकायदा पार्किंग माफियांचे शिवतरेंसोबत साटेलोटे असल्या कारणामुळे आम्हाला कारवाई करता येत नाही असा गौप्यफोट त्यांनी केला. तसेच शिवाजी शिवतरे सारख्या अधिकाऱ्यांमुळे पायधुनी वाहतूक शाखा बदनाम होते अशी खंत त्यांनी व्यक्त केली. या माहितीच्या आधारे दै.आदर्श महाराष्ट्र लवकरच या प्रकरणाच्या मुळाशी पोहचणार  आहे.

शिवतरेंचा आशीर्वादामुळे कारवाई होत नसलेली काही प्रकरणे

* पी.डिमेलो रोड येथील डब्बा कंपाउंड येथे असलेल्या होंडा कारचे सर्विस सेंटर या कंपनीच्या सर्विस सेंटर मध्ये नियमित सर्विसिंग करिता १२५ ते १५० केले जातात.
 दक्षिण मुंबईला जोडणारा हा मुख्य रस्ता असून येथून व्हीव्हीआय पी लोकांचा मार्ग असून शेजारीच रेल्वे पोलिस आयुक्तालय आहे.येथून अनेक महत्वाच्या तसेच मंत्र्यांच्या वाहनांची ये-जा सुरु असते. या रस्त्यावर स्कूल बस आणि होंडा सर्विसिंग सेंटर च्या सर्विसिंग केलेल्या सव्वाशे ते दीडशे गाड्या त्या जागेत पार्किंग केल्या जातात. याच रस्त्या समोरील झोपडीधारकांना महापालिककेने काही वर्षांपूर्वी वाहतुकीला अडथळा निर्माण होत असल्या कारणामुळे महापालिकेने या झोटडीधारकांचे स्थलांतर केले होते. झोपड्या तर गेल्या परंतु त्या जागेवर होंडा सिटी कारच्या तसेच खासगी स्कूल बसेसच्या बेकायदा पार्किंग सुरु झाली.
 हि सर्व पार्किंग बेकायदेशीर असून याला खास शिवतरे यांचाच आशीर्वाद असल्याची माहिती समोर येत आहे. या पार्किंग जवळच भाऊचा धक्का, मुंबई पोर्ट ट्रस्टचा गेट असल्याने रोजच शेकडो हजारो वाहनांची ये-जा होत असते.वाहतुकीच्या होणाऱ्या प्रचंड कोंडीमुळे लोकांना प्रचंड त्रास सहन करावा लागत आहे.

* ठाणा स्ट्रीट येथे इंडियन सिमेंन्स हॉस्टेलच्या दोन्ही बाजूला कार आणि फोरक्लिपची बेकायदा पार्किंग दुतर्फा होत असून याचा आर्थिक मोबदला पायधुनी वाहतूक शाखेकडे जात आहे अशी सूत्रांची माहिती आहे.
* वाडीबंदर  बस स्टॉपवर पायधुनी वाहतूक शाखेने टोईंग केलेल्या गाड्या पार्किंग केल्या आहेत  . यामुळे बस प्रवासी, तसेच बाजूच्या पोलीस वसाहत आणि अग्निशमन दलाच्या वसाहती आहेत. तेथील लोकांना याचा नाहक त्रास होत आहे.   

बेकायदा पार्किंगमुळे महापालिकेलाही होतेय साफसफाई साठी अडचण

बेकायदा वाहने पार्किंग मुळे सांडपाणी,मानवी विष्ठा,कचरा आणि साचलेल्या घाणीमुळे येथे महानगर पालिका स्वच्छता कर्मचारी सफाई कर्मचारी यांना काम करण्यास मोठ्या अडचणी येत आहेत.  चिंचबंदर येथील विविध गल्ल्यांमधील विशेषतः केशवजी नाईक रोड वरील एस टी महामंडळ बिल्डिंग ते सरस्वती सदन पर्यंत ट्रिपल पार्किंग असते. त्यामुळे येणाऱ्या जाणाऱ्या वाहनांना, विशेषतः ज्येष्ठ नागरिक, शाळकरी मुले, महिला आणि दिव्यांग व्यक्तींना प्रचंड त्रासाला सामोरे जावे लागते.  ओपी  क्र  -१६९, एल्फिस्टन इस्टेट, दाणाबंदर, क्लाइव्ह रोड येथील आदर्श ट्रान्सपोर्ट को.गोडाऊन क्र. १८ येथे भंगार अवस्थेत दोन ट्रक उभे असून त्यामुळे सदर ठिकाणी झालेल्या दुर्गंधीयुक्त वातावरणामुळे आणि कचऱ्याच्या गलिच्छपणामुळे मलेरिया, डेंग्यू सारखे आजार होण्याचे प्रमाण वाढलेले आहे.  त्यामुळे महापालिका 'बी' विभागाने ते भंगार अवस्थेतील ट्रक तात्काळ काढण्यात यावे असे दिनांक  ९/११/१७ रोजी पत्र वाहतूक शाखेला दिले होते परंतु त्यावर पायधुनी  वाहतूक शाखेचे  वरिष्ठ पोलीस निरीक्षक शिवाजी शिवतरे यांनी अद्याप कारवाई केलेली नाही.
याच घाणीच्या साम्राज्यामुळे बाजूलाच झोपडपट्टीतील रहिवाशांना डेंगू, मलेरिया,वायरल फीवर असे जीवघेणे आजार होऊ शकतात.या सर्व बाबीची माहिती वाहतूक निरीक्षक शिवाजी शिवतरे यांना असुनही  ते कारवाई करण्यास टाळाटाळ करीत आहेत.