महाळुंगे  पडवळ: आंबेगाव तालुक्यातील  महाळुंगे  पडवळ या  हुतात्मा बाबू गेनू सैद यांच्या जन्म भूमीत सकल मराठा समाजाने मराठ्यांना आरक्षण मिळावं म्हणून आमरण उपोषण चालू केले आहे उपोषणकर्ते बाबाजी दादा चासकर यांनी गेले चार दिवस अन्न त्याग करून मराठा आरक्षण मिळेपर्यंत आमरण उपोषण सोडणार नाही. असे ठाम मत मांडले आहे गावातील महिला, ग्रामस्थ नागरिक, शाळेतील लहान मुले, गावातील  ज्येष्ठ नागरिक यांचा सहभाग मोठ्या प्रमाणावर पाहण्यास मिळतो आहे.आमचे भविष्य सोडा येणाऱ्या मुलांचे भविष्य उज्वल करण्यासाठी मराठ्यांना सरसकट आरक्षण मिळालेच पाहिजे.असा सूर उपोषण करते ग्रामस्थ महिला यांच्यामध्ये उमटला. उपोषणकर्ते बाबाजी चासकर  यांनी आवाहन केले की उपोषण हे शांततेच्या मार्गाने झाले पाहिजे कुठलाही अनुचित प्रकार करायचा नाही. सर्व नागरिकांनी विद्यमान आमदार खासदार यांच्या विषयी जाहीरपणे नाराजी दर्शवली. यावेळी मराठा आरक्षणावर लहान मुलांची भाषणे झाली. वाडी वस्तीवरून महिलांची उपस्थिती लक्षणीय होती.कॅन्डल मार्च मध्ये एक मराठा लाख मराठा, आरक्षण आमच्या हक्काचं नाही कुणाच्या बापाचं, जय जिजाऊ जय शिवराय, या घोषणांनी गावचा परिसर दणाणून युवकांनी सोडला. परंतु पोलीस अधिकारी व वैद्यकीय अधिकारी सोडून प्रशासनाचे एकही अधिकारी उपोषणाकडे फिरला नाही. गेली चार दिवस राज्यकर्त्यांचे उपोषणाकडे दुर्लक्ष असल्यामुळे ग्रामस्थांमध्ये प्रचंड नाराजी आहे .