मुंबई (प्रतिनिधी) सालाबादप्रमाणे यावर्षीही कांदिवली चारकोप सेक्टर ३ च्या मैदानात 'दसरा ' सणानिमित्त धनगर समाज बांधवांच्या ' जय मल्हार रिक्षा ग्रुप ' चे सामुहिक रिक्षा पूजनाचा कार्यक्रम सरकारी आदेशाचे पालन करून ,तोंडावर मास्क लावून,सोशल डिस्टंस ठेवून ,कोरोनाचा प्रादुर्भाव होणार नाही,याची दक्षता घेत पार पडला.

या प्रसंगी कांदिवलीतील धनगर समाजाचे साहित्यिक भारत कवितके यांनी समाज बांधवांना मार्गदर्शन करताना सांगितले कोरोना प्रादुर्भाव काळात रिक्षा व्यवसाय साफ कोलमडला.साहजिकच रिक्षा चालकांना अनेक समस्यांना तोंड द्यावे लागले.विषेशत: आर्थिक ओढाताण खूपच झाली.तरी ही जय मल्हार रिक्षा ग्रुपच्या रिक्षा चालकांनी मोठ्या हिंमतीने आपल्या कुटुंबाचा उदर निर्वाह चालविला.आपण सर्वजण अशी आशा करू की,या जगातूनच कोरोनारूपी दानवाचे लवकरच पलायण होईल ,व समस्त मानवजात भयमुक्त,सुखी समाधानी होईल.रिक्षा चालकांनी कोणत्याही व्यसनाच्या आहारी जाऊ नये, मुला मुलीच्या शैक्षणिक प्रगतीकडे लक्ष्य द्यावे.

या प्रसंगी 'धनगर समाज विकास मंडळ कांदिवलीचे कार्याध्यक्ष संतोष पिसे यांनी सर्व उपस्थितानचे आभार मानले.व मंडळाच्या कार्याचा थोडक्यात आढावा घेतला.

या सामुहिक रिक्षापूजन प्रसंगी आनंदा भोजणे,महेंद्र काळे,मुकेश पिसे,उदय बरगडे,संतोष चांगण,सतिश पिसे,संदीप वनवे,प्रशांत कुचेकर,दत्तात्रय वनवे,हरिभाऊ दत्तात्रय कुचेकर,आण्णा ढालपे,सुजल वनवे,वगैरे वगैरे धनगर समाज बांधव उपस्थित होते.