लग्नास नकार दिल्याने तरुणीची गळफास घेऊन आत्महत्या
- by Adarsh Maharashtra
- Oct 16, 2020
- 1627 views
चाकण, पुणे :तरुणाने सुरुवातीला लग्नाचे आमिष दाखवले आणि प्रेमसंबंध ठेवले. त्यानंतर तरुणाने लग्नाला नकार दिला. या कारणावरून तरुणीने गळफास घेऊन आत्महत्या केली. ही घटना झीत्राईमळा, चाकण येथे घडली. याबाबत काल गुन्हा दाखल करण्यात आला आहे.
रेश्मा अनिल पवार (वय २८) असे आत्महत्या केलेल्या तरुणीचे नाव आहे. याबाबत वंदना अनिल पवार (वय ४५, रा. कुरन, ता. जुन्नर) यांनी चाकण पोलीस ठाण्यात फिर्याद दिली आहे. त्यानुसार अजीम शेख (पूर्ण नाव पत्ता माहिती नाही) याच्या विरोधात गुन्हा दाखल केला आहे.
पोलिसांनी दिलेल्या माहितीनुसार, फिर्यादी यांची मुलगी रेश्मा हिला आरोपीने लग्नाचे आमिष दाखवले. त्यातून तिच्यासोबत प्रेमसंबंध ठेवले.त्यानंतर आरोपीने रेश्मा हिच्यासोबत लग्न करण्यास नकार दिला. यामुळे रेश्मा हिने झीत्राईमळा येथे राहत असलेल्या भाड्याच्या खोलीत गळफास लाऊन आत्महत्या केली.
याबाबत आरोपी अजीम शेख याच्याविरोधात आत्महत्येस प्रवृत्त केल्याचा गुन्हा दाखल करण्यात आला आहे. चाकण पोलीस तपास करीत आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम