पुणे : मुख्यमंत्री उद्धव ठाकरे यांनी  राज्य लोकसेवा आयोगाची परीक्षा ऐनवेळी रद्द केल्याने विद्यार्थ्यांमध्ये सरकारविरोधात प्रचंड असंतोष पसरला आहे. एका विशिष्ट समाजाच्या दबावात येऊन सरकार अशाप्रकारे परीक्षा रद्द करणार असेल तर या राज्यात इतर समाजाची मुले राहतात की नाहीत का ?

त्या इतर समाजाच्या विद्यार्थ्यांची जबाबदारी सरकारची नाहीच का ?, असा संतप्त सवाल या विद्यार्थ्यांनी केला आहे. विदर्भातील अनेक मुलांनी या परीक्षेची तयारी केली होती. दोन दिवसांवर परीक्षा असल्याने परीक्षा केंद्र असणाऱ्या शहरात विद्यार्थी पोहचलेही होते. पुणे केंद्र निवडलेल्या विद्यार्थ्यांनी परीक्षेसाठी पुण्याचा प्रवास सुरू केला होता. एका विद्यार्थ्यांने सांगितले की तो नागपूरवरून सायंकाळी ६ वाजताच्या ट्रॅव्हल्सने पुण्याला जायला निघाला. अमरावतीजवळ असताना त्याला परीक्षा रद्द झाल्याचा संदेश मिळाला. त्यामुळे अध्र्यात उतरून परत येण्याशिवाय पर्याय नव्हता. काही मित्र खाजगी वाहन करून पुण्याला जात होते. याही विद्यार्थ्यांना रस्त्यातून परत यावे लागले आहे. सरकारच्या अशा दबावातील निर्णयामुळे विद्यार्थ्यांना मानसिक आणि आर्थिक त्रास सहन करावा लागत असल्याची प्रतिक्रिया या विद्यार्थ्यांनी दिली. 

काय म्हणतात विद्यार्थी ? .. हा तर राजकीय निर्णय ! मुख्यमंत्र्यांचा हा राजकीय निर्णय आहे. करोनाग्रस्त विद्यार्थ्यांची एवढी काळजी असती तर परीक्षेच्या तोंडावर ती रद्द केली नसती. हा सगळा अंतर्गत डाव आहे. विशिष्ट समाजाचा विचार होतो.

मग इतर समाजाचे काय ? मुख्यमंत्री कुठल्या एका समाजाचे आहेत काय ? 

प्रणय चौधरी, परीक्षार्थी. केंद्राच्या परीक्षा कशा सुरू आहेत ? केंद्र सरकारच्या अखत्यारित असणाऱ्या सर्व परीक्षा घेतल्या जात आहेत.