मुंबई : (प्रतिनिधी)   उत्तर प्रदेशच्या.  हाथरस जिल्ह्याच्या चंदपा तहसील      अंतर्गत असणाऱ्या बुलगढी ह्या गावातील मनीषाकुमारी वाल्मिकी ह्या १९ वर्षीय तरुणीला १४ सप्टेंबर रोजी  तेथील विकृत विचारसरणीच्या जातीयवादी गावगुंडांनी बेदम मारहाण केली.तिचे हातपाय कापून तिची जीभ सुद्धा छाटण्यात आली ,इतके करून सुद्धा त्या नीच नराधमांचे समाधान झाले नाही तर त्यांनी तिच्यावर पाशवी बलात्कार केला.ह्या प्रकरणी गंभीर जखमी झालेल्या मनीषा वाल्मिकी हिच्यावर अलिगढ येथील हॉस्पिटलमध्ये उपचार सुरू होते,परंतु तिच्या प्रकृतीत सुधारणा होत नसल्याचे पाहून तिला दिल्लीच्या सफदर अली हॉस्पिटलमध्ये दाखल करण्यात आले. तिथेच रात्री ३.०० वाजता तिचे प्राणज्योत मालवली.ह्या घटनेचा महाराष्ट्र राज्य भिम आर्मीच्या वतीने आम्ही तीव्र धिक्कार करीत असून , मनीषा वाल्मिकी हिस भावपूर्ण श्रद्धांजली अर्पण करीत असल्याचे भिम आर्मीचे महाराष्ट्र राज्याचे प्रचार-प्रसिद्धी प्रमुख भिमपँथर मा.राजेश गवळी यांनी सांगितले.

भिमपँथर मा.राजेश गवळी ह्यांनी ह्या घटनेवर भिम आर्मीच्या वतीने तीव्र दुःख व्यक्त करताना ह्या देशातील तथाकथित व्यवस्थेला जाब विचारला आहे की , कंगना राणावत हिचे ऑफिस तोडल्याच्या विरोधात महिला आयोगाने आवाज उठवताना सरकारला इशारा दिला होता की , आम्ही ह्या देशातील कोणत्याही महिलेवर अन्याय झालेला सहन करणार नाही.मग आता आमच्या मनीषा वाल्मिकीला क्रौर्याची सर्व सीमा ओलांडून ठार करण्यात आले तरीसुद्धा महिला आयोग मात्र काहीच बोलायला तयार नाही.निर्भया आणि डॉ.प्रियांका रेड्डी करिता मोमबत्ती मोर्चे काढणारे आज लपलेत कुठे ? साध्या साध्या बाबींवर रात्रंदिवस फालतू बकवास चर्चासत्रे घडविणारी नफरतखोर मीडिया आज गप्प का ? दलित समाजात जन्म घेणे हाच आमचा गुन्हा आहे का ? आमच्या लेकीबाळीना जगण्याचा काहीच अधिकार नाहीत काय ? आमच्या रक्ताने खेळण्यात येणारी होळी कधी थांबणार आहे? असे संतप्त सवाल भिमपँथर मा.राजेश गवळी यांनी विचारले आहेत.मनीषा वाल्मिकी हिस भिम आर्मी ठाणे जिल्ह्याच्या वतीने उल्हासनगर रेल्वे स्टेशनवर उल्हासनगर शहरप्रमुख कुमारभाई पंजवाणी यांच्या पुढाकाराने ४ ऑक्टोबर रोजी रात्री ८.०० वाजता मोमबत्ती श्रद्धांजली सभेचे आयोजन केल्याची माहिती भिमपँथर मा.राजेश गवळी यांनी दिली आहे.