मुंबई:सध्या करोना विषाणूमुळे फैलावणाऱ्या कोविड १९ आजारामुळे हँड सॅनिटायझर ही आपली आवश्यक गरज बनली आहे. बाहेर गेल्यावर याचा वापर करणे आता आवश्यक आहे. मात्र, हीच गरज ओळखून काही कंपन्या आणि महाभागांनी थेट बनावट हँड सॅनिटायझर बाजारात आणले आहेत. त्यांच्यामधील रेटची स्पर्धाही मोठी आहे. त्यामुळेच हँड सॅनिटायझर असली की नकली ओळखण्यासाठी आपण घेऊ शकता घरच्या घरीच परीक्षा.

हँड सॅनिटायझरमध्ये किमान ७० टक्के अल्कोहोल असेल तरच ते विषाणूवर प्रभावी असते. त्याबतची माहिती नवभारत टाईम्स यांनी प्रसिद्ध केली आहे. डॉ. नेहा आणि सौरभ अरोरा यांच्या माहितीनुसार त्यांनी काही मुद्दे सांगितले आहे. त्यानुसार आपण सगळे अगदीच मिनिटभरात हँड सॅनिटायझरची परीक्षा घेऊ शकतो.

          त्याचे मुद्दे पुढीलप्रमाणे 

१.)टिश्यू पेपरवर दोन वेगवेगळ्या ठिकाणी शाईच्या पेनाने गोल करा. त्यामध्ये हँड सॅनिटायझरचे ठिपके टाका. जर त्यावरील शाई पांगली तर आपले हँड सॅनिटायझर बनावट आहे. आणि जर त्यावरील शाईचे गोल सर्कल शाबित राहून पाचेक सेकंदात हँड सॅनिटायझर उडून गेले तर आपण वापरत असलेले हँड सॅनिटायझर चांगल्या दर्जाचे आहे असे समजावे.

२.) एका छोट्या वाटीत आपण वापरत असलेले हँड सॅनिटायझरच्या दोन-तीन ठिपके टाका. त्यावर मग हेयर ड्रायरद्वारे हवेचा झोत सोडा. जर २-३ सेकंदात आपले हँड सॅनिटायझर उडून गेले तर ते वापरण्यास योग्य आहे असे समजा.

३.)यासह आपण गव्हाचे पीठ किंवा आटा कलवण्याच्या पद्धतीनेही हँड सॅनिटायझरची परीक्षा हेऊ शकतो. जर याद्वारे आपण चांगल्या पद्धतीने पीठ मळू शकलो. रोज वापरतो तसाच जर ओल्या पिठाचा गोळा तयार झाला तर समजावे की आपले हँड सॅनिटायझर वापरण्यास अयोग्य आहे. मात्र, जर त्याद्वारे पिठाचा गोळा बनवणे शक्य झाले नाही तर असे हँड सॅनिटायझर बिनधास्त वापरा.

4.)या बाजारात कोणत्याही केमिकलचा वापर करून तिन्ही टेस्टला फसवणारे काही हँड सॅनिटायझर येऊ शकतात. अशावेळी मात्र, त्याची केमिकल तपासणी करूनच योग्य किंवा अयोग्य हँड सॅनिटायझर ओळखावा लागणार आहे.