मला बोलायचं आहे,पण आताच नाही,लवकरच सविस्तर बोलेन- अध्यक्ष एनसीपी शरद पवार
- by Adarsh Maharashtra
- Jun 27, 2020
- 709 views
पुणे (प्रतिनिधी) : शरद पवार हे महाराष्ट्राला लागलेला कोरोना आहे, असे वादग्रस्त विधान भाजपचे आमदार गोपीचंद पडळकर यांनी केले होते. या विधानाचे राज्यभर पडसात उमटत आहेत. या वक्तव्यावर आतापर्यंत शरद पवार यांनी काही प्रतिक्रिया दिलेली नव्हती. या सर्व शरद पवार यांची भूमिका काय? शरद पवार पुण्यात काही बोलतात का? याकडे सर्वांचे लक्ष होते.
पुण्यात झालेल्या एका बैठकीनंतर प्रश्न विचारला असता शरद पवार यांनी एक सूचक विधान केले आहे. शरद पवार म्हणाले, मला बोलायचं आहे, पण एवढ्यात नाही, लवकरच सविस्तर बोलेन असे म्हटले आहे.
दरम्यान, पुण्यात कोरोनाचा संसर्ग रोखण्यासाठी काय उपाययोजना करता येतील, या पार्श्वभूमीवर उपमुख्यमंत्री अजित पवार यांच्या अध्यक्षतेखाली एक महत्त्वपूर्ण बैठक पार पडली. या बैठकीला राष्ट्रवादी काँग्रेसचे अध्यक्ष शरद पवार, राज्याचे आरोग्यमंत्री राजेश टोपे, गृहमंत्री अनिल देशमुख यांच्यासह इतर प्रशासकीय अधिकारी आणि लोकप्रतिनिधी उपस्थित होते. या बैठकीत शरद पवार यांनी पुण्याच्या परिस्थितीचा आढावा घेतला. यावेळी शरद पवार यांना प्रश्न विचारला असता, मला बोलायचं आहे, पण आताच नाही, लवकरच सविस्तर बोलेन, असं सूचक वक्तव्य त्यांनी केलं.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम