मुलुंडचे आमदार मिहीर कोटेचा यांच्यामार्फत आर्सेनिक अल्बम औषधाचे घराघरांत वाटप
- by Adarsh Maharashtra
- Jun 01, 2020
- 521 views
मुलुंड :(शेखर चंद्रकांत भोसले) जगभरात मागणी असलेले परंतु पुरेशा प्रमाणात उपलब्ध नसलेले आर्सेनिक अल्बम- 30 हे औषध मुलुंडचे आमदार मिहीर कोटेचा यांच्यामार्फत मुलुंड विधानसभा मतदार संघातील जनतेपर्यंत पोहोचवले जात असून घराघरात याचे मोफत वाटप केले जात आहे. कोरोनावर मात करण्यासाठी प्रतिकारशक्ती वाढविणारे हे औषध आमदार मिहीर कोटेचा यांनी घराघरांत पोहोचविण्याचा निर्णय घेतला आणि त्याचा शुभारंभ मतदारसंघांतील वाटपाने करण्यात आला.
कोरोनाच्या पार्श्वभूमीवर आमदार मिहीर कोटेचा यांनी मिहीर कोटेचा चॅरिटेबल ट्रस्टच्या माध्यमातून वेगवेगळया प्रकारे मतदारसंघातील जनतेला मदतकार्य केले असून लाॅकडाऊनच्या काळात गोरगरीब आणि निराधारांबरोबरच कित्येकांपर्यंत धान्य, औषधे, मास्क त्यांनी पोहोचविली आहेत, धान्याची कमतरता पडू दिली नाही आहे तसेच आर्थिक अडचणीत सापडलेल्या मतदारसंघांतील जनतेलाही त्यांनी धान्य, औषधांबरोबरच आजारी व्यक्तींना हाॅस्पीटल्स उपलब्ध करून देण्याचे काम केले आहे.
कोरोनाचा फैलाव रोखण्यासाठी रोग प्रतिकारशक्ती वाढणे जरूरीचे असून केंद्रीय आयुश मंत्रालयाने त्यासाठी आर्सेनिक अल्बम- 30 हे होमिओपॅथी औषध सेवन करण्याचा सल्ला दिला आहे त्याच पार्श्वभूमीवर नागरिकांनी हे औषध घेण्यासाठी होमिओपॅथी औषधांच्या दुकानात गर्दी केली परंतु स्टॉक उपलब्ध नसल्यामुळे अनेकांना हे औषध सहज उपलब्ध होत नव्हते. आमदार मिहीर कोटेचा यांच्याकडे काही नागरिकांनी तक्रार करताच त्यांनी मुलुंडकरांसाठी हे औषध सहज उपलब्ध करुन दिले असून घराघरांत त्याचे मोफत वाटप केले जात आहे. या औषधासोबतच सिफिया हे दुसरे होमिओपॅथी औषध देखील यावेळी मोफत वितरित केले जात आहे. दोन्ही औषधांच्या डब्यांचे पॅकेट बनवून दिले जात असून प्रत्येक डबी मध्ये २४-२४ छोट्या गोळ्या आहेत. प्रत्येक सदस्याला ४ आर्सेनिक अल्बम- 30 च्या गोळ्या सकाळी रिकाम्या पोटी घ्यायच्या आहेत तर संध्याकाळी सेफियाच्या चार गोळ्या घ्यायच्या आहेत. या गोळ्यांचा परिणाम ३ आठवड्यापर्यंत राहतो.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम