टाटा ट्रस्ट महाराष्ट्र आणि उत्तर प्रदेशात ४ रुग्णालय विकसित करणार!
कोविड-19 वरील उपचारासाठी
- by Adarsh Maharashtra
- May 14, 2020
- 399 views
मुंबई( जीवन तांबे )टाटा ट्रस्ट चार सरकारी रुग्णालयांच्या इमारतींमध्ये सुधारणा करून त्याठिकाणी कोविड- 19 उपचार केंद्रे विकसित करण्याचा निर्धार घेतला आहे.
महाराष्ट्रात सांगली, बुलढाणा तर उत्तर प्रदेशातील गौतम बुद्ध नगर व गोंडा या ठिकाणी रुग्णालय ताब्यात घेऊन त्यात रुग्ण आणि बाह्य रुग्ण उपचार सुविधा कायमस्वरूपी देण्यात येणार आहे. अत्यवस्थ रुग्णांसाठीच्या सेवा, छोटी ऑपरेशन थिएटर्स, सामान्य पॅथॉलॉजी, रेडिओलॉजी, डायलिसिस सुविधा, रक्त साठवणी सुविधा आणि टेलिमेडिसिन युनिट्स अशा क्षमता उपलब्ध करवून देण्याचा टाटाचा मानस आहे.
या रुग्णालयांचे आधुनिकीकरण करण्यासाठी टाटा ट्रस्ट कर्करोग उपचार सुविधा निर्माण करण्यातील आपल्या अनुभवांचा वापर करत आहे.
आजवरच्या सर्वात गंभीर समस्यांपैकी एक कोविड - 19 विरोधातील लढाईसाठी आवश्यक गरजा पूर्ण करण्यासाठी तात्काळ आपत्कालीन साधने तैनात करणे गरजेचे आहे असे मत टाटा ट्रस्ट चे चेअरमन रतन टाटा यांनी व्यक्त केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम