मुंबई  ( जीवन तांबे )मुंबई शहरात कोरोना बाधित रुग्णात दिवसेदिवस वाढ होत असताना देखील पालिकेच्या अंतर्गत काम करणाऱ्या आरोग्य सेविकाना मास्क, हँड ग्लोज, सॅनिटाझेशन उत्तम दर्जाचे मिळत नाही. 

अशा स्थितीत झोपडपट्टीत परिसरात काम करताना तारेवरची कसरत करावी लागत आहे. 

मुंबई उपनगरातील चेंबूर येथील सिध्दार्थ कॉलनी, लालडोंगर, घाटला खारदेव नगर, वाशीनाका, ठक्कर बाप्पा, माहुल, पी.एल लोखडे मार्ग, डॉ. बाबासाहेब आबेडकर कामगार वसाहत, कोकण नगर, पोस्टल कॉलनी, पांजरापोळ भागात    

मोठ्या प्रमाणात झोपडपट्टीचा भाग आहे.

घरे अगदी एकमेकांना लागून आहे. त्यामुळे या परिसरात संसर्ग लवकर पसरतो.  या करिता पालीका उपाययोजना  करतेच या करिता आपल्या अंतर्गत आरोग्य सेविकांची मदत घेत असते. या  आरोग्य सेविकांना  घराघरांमध्ये जाऊन सर्व्हे करणे, घरात जाऊन बालकांना पोलिओ डोस पाजणे, अ जीवनसत्त्व, जंतुनाशक औषधे वाटणे,  स्त्री-पुरुष नसबंदी करिता नर्स बरोबर जाऊन व्यक्ती शोधणे त्याना आणणे, क्षय रुग्ण आरोग्य केंद्रात बोलावणे, ज्यादिवशी आले नाही की  घरी जाऊन त्याना पुन्हा आठवण करणे. पल्स पोलिओसारखे कार्यक्रम, आरोग्य सेवा उपलब्ध करून देणे, कुटुंब कल्याण व माता बाल संगोपन कार्यक्रमात ही काम करावे लागते. 

मुंबई कोरोनाचे रुग्ण सापडत असताना चेंबूर येथील टिळकनगर, घाटला, महात्माफुले नगर, यशवंत नगर,चेंबूर कॅम्प परिसरातील झोडपट्टीत कोरोना बाधित रुग्ण सापडत असल्याने आरोग्य केंद्रातील कर्मचारी त्यांच्या बरोबर त्याना जावे लागते.  सर्दी, खोकला असणाऱ्या व्यक्तीचा घराघरात जाऊन सर्व्हे करावा लागत आहे. अशा व्यक्तीला  आरोग्य केंद्रात बोलावणे, त्याना पालिकेच्या रुग्णालयात जाण्यास सांगणे.एखादा विभागात कोरोना बाधित रुग्ण सापडला.पालिका आधिकारी, आरोग्य केंद्रातील कर्मचाऱ्याबरोबर त्याना ही काम करावे लागत आहे. बाधित रुग्णाच्या घरातील कुटुंबांना होम क्वॉरोंटाईचा छापा हातावर मारण्याकरिता, कोरोनो बाधित घरातील व्यक्तींना रुग्णालयात कोरोनाचा चाचणी पाठविण्याकरिता अन्य स्टाफ बरोबर जावे लागत आहे. त्याकरिता रुग्णवाहिनी येई पर्यंत तासनतास त्या  परिसरात उभे रहावे लागत आहे. किव्हा कोरोना बाधित रुग्ण सापडला की त्याच्या सहवासातील व्यक्तीचा शोध घेण्याकरिता केव्हा ही जावे लागते

या आरोग्य सेविकां तसेच नर्स   कर्मचारी यांना उत्तम दर्जाचे  सुरक्षा किट, मास्क, हॅंडग्लोज आणि सॅनिटराईझींग नसताना  ही काम करावे लागत आहे. अशीच परिस्थिती  पालिकेतील एकूण  202 आरोग्य केंद्रांमधील  काम करणाऱ्या एकूण 4000 आरोग्य सेविकेची आहे. तसेच आरोग्य केंद्रातील  कामगारांची आहे.

कोरोनाचे उच्चाटन नष्ट करण्याकरता पालिकेला व सरकारला आरोग्य सेविका मदत करायला तयार आहोत. परन्तु आम्हला हे काम करताना स्वतची काळजी घेण्याकरिता चांगले मास्क, हॅन्डग्लोज, सॅनिटाइझर, सुरक्षित किट अशा चांगल्या सुविधा द्याव्यात. तसेच विमा कवच ही देण्यात यावे अशी मागणी आरोग्य सेविकांनी केली आहे