नांदगाव-दांड्यामध्ये वन्यप्राण्याच्या हल्ल्यात बकरीचा मृत्यू ? बिबट्या असल्याचा संशय
- by Adarsh Maharashtra
- Nov 17, 2019
- 1569 views
मुरुड-मजगांव(बाबूराव गोळे ): मुरुड तालुक्यातील नांदगाव ग्रामपंचायत हद्दीतील दांडा गावात वन्यप्राण्याने केलेल्या हल्ल्यात गाभण असलेल्या बकरीचा मृत्यू झाल्याची घटना घडली आहे.
दांडा गावातील शंकर पाटील यांच्या मालकीच्या बक-या घरालगतच्या शेडमध्ये शुक्रवार दि.१५ नोव्हेंबर रोजी बांधलेल्या असता रात्रौ ९.०० वा.नंतर घरापाठीमागील फणसाड डोंगराकडून येऊन वन्यप्राण्याने शेडमध्ये असलेल्या गाभण बकरीच्या नरडीचा घोट घेऊन गंभीर जखमी केले.यात बकरीचामृत्यू झाला. इतर बक-यांच्या ओरडण्याचा आवाजाने हा वन्यप्राणी पळून गेला.शंकर पाटील यांनी तातडीने वनविभागाचे वनपरिक्षेत्र अधिकारी प्रशांत पाटील यांच्या शी संपर्क साधून घडलेला प्रकार सांगीतला.पशुवैद्यकीय अधिकारी डॉ. विनायक पवार यांनी सदर बकरीचे शवविच्छेदन (पोस्टमार्टेम)केले असता मानेवर जखमा व रक्त प्यायला असल्याचे आढळून आले.बिबट्याच्या वावरा बरोबरच या भागात रानडुक्करांचा धुडगूस असून भातपिक नुकसान करत असल्याचे बोलले जात आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम