रायगड(धर्मानंद गायकवाड):-महाराष्ट्र शासनाच्या निवडणूक विभागांतर्गत दि.9 नोव्हेंबर ते दि.8 डिसेंबर 2022 या कालावधीत नवमतदार नोंदणी होण्याच्या दृष्टीने “विशेष संक्षिप्त पुनरिक्षण कार्यक्रम-2023” अंतर्गत जिल्हाधिकारी तथा जिल्हा निवडणूक अधिकारी डॉ.महेंद्र कल्याणकर यांच्या मार्गदर्शनाखाली आणि उपजिल्हाधिकारी (निवडणूक) स्नेहा उबाळे यांच्या पुढाकारातून अलिबाग येथे बुधवार, दि.9 नोव्हेंबर 2022 रोजी “सायकल रॅली” आणि “वॉकेथॉन”चे आयोजन करण्यात आले आहे.

ही रॅली दि.9 नोव्हेंबर रोजी सकाळी 7 वाजता जिल्हाधिकारी कार्यालय, रायगड-अलिबाग येथून सुरु होणार असून सांगता अलिबाग समुद्रकिनाऱ्यावर होणार आहे.

तरी शाळा/महाविद्यालयातील जास्तीत जास्त विद्यार्थी/खेळाडू यांनी या रॅलीमध्ये सहभागी व्हावे, असे आवाहन जिल्हाधिकारी तथा जिल्हा निवडणूक अधिकारी डॉ.महेंद्र कल्याणकर तसेच उपजिल्हाधिकारी (निवडणूक) स्नेहा उबाळे व जिल्हा क्रीडा अधिकारी रविंद्र नाईक यांनी केले आहे.