नितीन गडकरी यांना पदवीदान समारंभात स्टेजवरच भोवळ
- by Adarsh Maharashtra
- Dec 07, 2018
- 757 views
केंद्रीय रस्ते वाहतूक दळणवळण मंत्री आणि भाजपचे नेते नितीन गडकरी यांना आज राहुरी कृषी विद्यापीठातील पदवीदान समारंभात स्टेजवरच भोवळ आली. त्यांनंतर त्यांना तातडीने रुग्णालयात हलवण्यात आले. त्यांची प्रकृती स्थिर असल्याचं सांगण्यात आले आहे. प्राथमिक उपचारानंतर गडकरी शिर्डीला रवाना झाले आहेत. राहुरी कृषी विद्यापीठाच्या पदवीदान समारंभासाठी नितीन गडकरी उपस्थित होते. त्यांचे भाषण संपल्यानंतर राष्ट्रगीत सुरू झाले. राष्ट्रगीत सुरू असतानाच त्यांना भोवळ आली. शेजारीच उभ्या असलेल्या राज्यपालांनी त्यांना सावरले. त्यानंतर गडकरींना तातडीने रुग्णालयात हलवले. त्यांची प्रकृती आता स्थिर असल्याची माहिती पालक मंत्री राम शिंदे यांनी दिली आहे. पुढील उपचारासाठी त्यांना शिर्डीहून नागपूर येथे हलवण्यात येणार असल्याची माहिती कळते आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम