समृद्धी महामार्गाला बाळासाहेब ठाकरे यांचे नाव द्या; शिवसेनेने मागणी करून भाजपला कोंडीत पकडण्याचा प्रयत्न
- by Adarsh Maharashtra
- Nov 13, 2018
- 880 views
मुंबई - सध्या सगळीकडे नाव बदलाची मागणी होताना दिसते. देशातील काही शहरांची तर नावे बदलली जात आहेत. तर काहींची नावे बदलण्याच्या मागण्यांनी जोर धरला आहे. अशातच नावाची आणखी एक भर पडली आहे. ती म्हणजे राज्यात होऊ घातलेल्या समृद्धी महामार्गाच्या नावाची. या चर्चेचे कारण म्हणजे शिवसेनेने समृद्धी महामार्गाला शिवसेनाप्रमुख बाळासाहेब ठाकरे यांचे नाव देण्याची केलेली मागणी. शिवसेना नेते आणि राज्य मंत्रिमंडळाचे सदस्य एकनाथ शिंदे यांच्या नेतृत्वातील शिष्टमंडळाने मुख्यमंत्री देवेंद्र फडणवीस यांच्याकडे ही मागणी केली आहे. शिवसेनेने मुख्यमंत्र्यांना दिलेल्या निवेदनात म्हटले आहे की, मुंबई-पुणे या दोन शहरांदरम्यान द्रुतगती महामार्ग असावा हे स्वप्न बाळासाहेब ठाकरेंनी पाहिले होते. जनतेने सत्ता दिल्यानंतर तत्कालीन सार्वजनिक बांधकाम मंत्री नितीन गडकरी यांच्या मोलाच्या सहकार्याने हे स्वप्न पूर्णदेखिल झाले. त्यामुळेच देशातील पहिल्या द्रुतगती महामार्गाचे शिल्पकार म्हणून बाळासाहेब ठाकरे यांचे नाव राज्यात होऊ घातलेल्या दुसऱ्या द्रुतगती महामार्गाला देण्याची विनंती शिष्टमंडळाने पत्राद्वारे केली आहे.
संबंधित पोस्ट
Support US
Image Gallery
Video Gallery
लाइव क्रिकेट स्कोर
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम