कोकण विभागाच्या माहिती व जनसंपर्क कार्यालयातील,कर्मचाऱ्यांच्या कार्यसंस्कृतीचा होणार गौरव
- by Jayesh shelar
- Jan 29, 2021
- 748 views
पालघर: २०२० या वर्षात आपल्या वैशिष्टयपूर्ण कामाच्या माध्यमातून वेगळा ठसा उमटविणाऱ्या माहिती व जनसंपर्क महासंचालनालयाच्या कोकण विभागीय कार्यालयाच्या अंतर्गत कार्यालयांतील कर्मचाऱ्यांची उत्कृष्ट अधिकारी/कर्मचारी म्हणून निवड करण्यात आली आहे.
कोकण विभाग अंतर्गत माहिती व जनसंपर्क विभागाचे एकूण ५ कार्यालये आहेत. या कार्यालयांच्या माध्यमातून शासनाच्या विविध लोकोपयोगी उपक्रमांच्या प्रसिध्दीचे काम निरंतरपणे सुरु असते. गेल्या वर्षभरात कोरोना काळातही आपल्या पदाची कर्तव्ये आणि जबाबदाऱ्या पार पाडण्याबरोबरच इतर कामातही हिरीरीने सहभाग घेऊन उत्तम काम करणाऱ्या, तसेच कोरोनासारख्या आपत्कालिन परिस्थितीत तसेच निवडणुकीच्या कालावधीत उत्तम कार्य करणाऱ्या आणि अचानक उद्भवलेल्या नैसर्गिक आपत्तीतही आलेल्या कामाची जबाबदारी स्वीकारुन माहिती तत्परतेने पोहचविणाऱ्या अधिकारी/कर्मचाऱ्यांचा उत्कृष्ट कर्मचाऱ्यांच्या यादीत समावेश करण्यात आला आहे.
वर्ष २०२० साठीच्या उत्कृष्ट अधिकारी/कर्मचारी म्हणून निवड करण्यात आलेल्या अधिकारी/कर्मचाऱ्यांची नावे पुढील प्रमाणे आहेत. श्री. प्रशांत दैठणकर, जिल्हा माहिती अधिकारी रत्नागिरी, श्री. गंगाधर जामनिक, दूरमूद्रण चालक-नि-टंकलेखक, जिल्हा माहिती कार्यालय, पालघर, श्री. योगेश मोडसिंग, दूरमूद्रण चालक-नि-टंकलेखक, जिल्हा माहिती कार्यालय, रत्नागिरी, श्री. सचिन काळुखे, लिपिक टंकलेखक, जिल्हा माहिती कार्यालय, रायगड-अलिबाग, श्रीमती राजेश्री वाडेकर, लेखा लिपिक, विभागीय माहिती कार्यालय, कोकण भवन, नवी मुंबई, श्री. धनंजय कासार, सिनेयंत्र चालक, जिल्हा माहिती कार्यालय,ठाणे, श्री. प्रेम शुक्ला, सिनेयंत्र चालक, जिल्हा माहिती कार्यालय,ठाणे, श्री. शशिकांत केळकर, वाहनचालक, जिल्हा माहिती कार्यालय, रत्नागिरी श्री. अजित पड्याळ, रोनिओ ऑपरेटर, जिल्हा माहिती कार्यालय, रत्नागिरी, श्री. शशिकांत भोसले, शिपाई, जिल्हा माहिती कार्यालय, रायगड यांची निवड करण्यात आली.
सदर अधिकारी कर्मचारी यांना मार्चच्या शेवटच्या आठवड्यात प्रशस्तीपत्र देवून गौरविण्यात येणार आहे. अशी माहिती कोकण विभागाचे उपसंचालक डॉ. गणेश मुळे यांनी दिली आहे.
रिपोर्टर
आदर्श महाराष्ट्र वेब टीम