शिव वाहतूक सेनेतर्फे मुंबई वाहतूक पोलीसांना मोफत शिरस्त्राणे, परावर्तक जाकीटचे वितरण
- by Adarsh Maharashtra
- Jan 23, 2021
- 1161 views
मुंबई,दि.२३ - शिवसेना अंगीकृत शिव वाहतूक सेना आणि युवासेवा फाऊंडेशन यांच्या संयुक्त विद्यमाने शिवसेनाप्रमुख बाळासाहेब ठाकरे जयंती आणि ३२ वे राज्य रस्ते सुरक्षा अभियान निमित्ताने मिशन सुखरूप जनजागृती उपक्रमांतर्गत सहार वाहतूक नियंत्रण कक्ष, अंधेरी येथे मुंबई वाहतूक पोलीसांना तसेच दुचाकी वाहन-चालक नागरिकांना सुमारे ५०० हेल्मेट, परावर्तक जॅकेट आणि रस्ते सुरक्षा मार्गदर्शिका पुस्तिकेचे मोफत वितरण करण्यात आले.
सदर कार्यक्रमास मुंबई पोलीस दलातील निवृत्त एन्काऊंटर स्पेशलिस्ट अधिकारी प्रदीप शर्मा, युवासेना सरचिटणीस अमोल किर्तीकर, प्रादेशिक परिवहन अधिकारी अभय देशपांडे, स.पो.आयुक्त वाहतूक शंकुतला मेस्त्री, प्रभारी वाहतूक निरीक्षक संजय नार्वेकर, क्रिकेट प्रशिक्षक निलेश भोसले, मनोहर पांचाळ, सुभाष सावंत, विनय मोरे, युवासेना विभाग अधिकारी मयुर पांचाळ, मनोज जांगिड आदी मान्यवर उपस्थित होते.
यावेळी कार्यक्रमस्थळी राज्य सरकारच्या वतीने सुरू करण्यात आलेल्या बाळासाहेब ठाकरे रस्ते अपघात विमा योजनेची माहीती, रस्ते सुरक्षाविषयक संक्षिप्त सादरीकरण आणि संदेश फलकांद्वारे जनजागृती देखील करण्यात आली. सदर उपक्रमाचे आयोजन मोहन गोयल यांनी केले होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम