रबाळे पोलिसांकडून चोरीचा गुन्हा उघडकीस! रक्षकच बनले भक्षक
- by Adarsh Maharashtra
- Jan 05, 2021
- 1026 views
मुलुंड:(शेखर भोसले)रबाळे पोलिस ठाण्याच्या हद्दीत काही दिवसांपूर्वी झालेला चोरीचा गुन्हा उघडकीस आणण्यात पोलिसांना यश आले असून याप्रकरणी रबाळे पोलिस ठाण्याच्या गुन्हे प्रकटीकरण पथकाने आरोपींना जेरबंद करून चोरीचा मुद्देमाल हस्तगत केला आहे. चोरी करणाऱ्यात एका नामांकित सुरक्षा रक्षक एजेन्सीच्या २ जणांचा समावेश असल्याने रक्षकच भक्षक बनले असल्याचे पोलिसांच्या तपासणीतून पुढे आले आहे.
याबाबत मिळालेल्या माहितीनुसार ऐरोली से-१४ येथील सन्टेक सिंघानिया वॉटर फ्रंट नावाच्या कंपनीत अज्ञात चोरटय़ांनी दि २८ डिसेंबर रोजी चोरी करून कंपनीतील ५० हजार रुपयांच्या अल्युमिनियम प्लटेस चोरून नेल्या होत्या तसेच नंतर ही पुढील दोन दिवस या चोरांनी अश्याच प्रकारे चोरी करून कंपनीतील माल लंपास केला होता. कंपनीच्या वरिष्ठ अधिकाऱ्यांना हे चोरी प्रकरण समजल्यावर त्यांनी येथे कार्यरत असलेली मुलुंड स्थित फोर्स सेक्युरिटी सर्विसेसच्या मालकांना बोलवून या चोरीची कल्पना दिली व या चोरांना पकडा अन्यथा तुमचे सेक्यूरिटी कंत्राट रद्द करण्यात येईल अशी ताकीद दिली. त्याला अनुसरून फोर्स सेक्युरिटी सर्विसेसचे चालक विठ्ठल सातपुते यांनी ३० डिसेंबरच्या रात्री आपले साथीदार राजू कनौजिया व इतरांसोबत गुप्तपणे येणाऱ्या-जाणाऱ्यांवर पाळत ठेवली व चोरांना रंगेहाथ चोरी करताना पकडून पोलिसांच्या ताब्यात दिले.
या घटनेप्रकरणी पोलिसांनी तांत्रिक बाजूने तपास करून दोघा चोरटय़ांना ताब्यात घेवून सर्व मुद्देमाल हस्तगत केला. सदर चोरीच्या प्रकरणात पोलिस अजून काही आरोपींचा शोध घेत असल्याने अटकेतील आरोपींची नावे गुप्त ठेवली आहेत. हे वरिष्ठांच्या आदेशानुसार रबाळे पोलिस ठाण्याचे व.पो.नि. योगेश गावडे व निरीक्षक शिरीष पवार यांच्या मार्गदर्शनाखाली गुन्हे प्रकटीकरण पथकाचे उपनिरीक्षक अमित शेलार यांच्यासह पोलिस हवालदार कटके, प्रताप पाटील, करडे, वीर व आव्हाड आदींनी हा गुन्हा उघडकीस आणण्यात महत्वाची कामगिरी केली.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम