कल्याण-डोंबिवलीकरांचा प्रवास होणार जलद; ऐरोली-मुंब्रा जलद मार्ग सप्टेंबर २०२१ मध्ये खुला होणार

ठाणे : नवी मुंबई मार्गे कल्याण डोंबिवलीला जाणाऱ्या वाहनचालकांचा ट्रॅफिकमध्ये अडकून प्रचंड वेळ वाया जातो. यावर उपाय म्हणून थेट ऐरोलीपासून मुंब्रापर्यंत बोगदा तयार करुन नवीन रस्ता बांधण्याचे काम प्रगतिपथावर आहे. हा रस्ता १२ किलोमीटर पेक्षा जास्त लांबीचा असून त्यातील बोगदा १.८ किलोमीटर इतका आहे. महाराष्ट्रातील हा सर्वात मोठा रस्त्याचा बोगदा असल्याचे सांगितले जात आहे.


लॉकडाउन मध्ये अतिशय मंद गतीने सुरू असलेल्या कामाचा आढावा आज खासदार डॉ. शशिकांत शिंदे यांनी घेतला. यातील बोगद्यासह पहिल्या टप्प्याचे कामचे काम सप्टेंबर २०२१ पर्यंत पूर्ण होणार असल्याचे खासदार श्रीकांत शिंदे यांनी सांगितले. तसेच याच कामातील दुसरा टप्प्यातील एलिव्हेटेड मार्गाचे काम देखील युद्धपातळीवर सुरू असल्याचे शिंदे म्हणाले.


ऐरोली ते मुंब्रा वाय जंक्शन आणि मुंब्रा वाय जंक्शन ते कटाई अशा दोन टप्प्यात हे काम पूर्ण होणार आहे. त्यासाठी १.८ किलोमीटरचा बोगदा बनवण्यात येत आहे. पहिल्या टप्प्यातील रस्ता हा ऐरोलीच्या खाडी पुलाजवळ सुरू होईल तो थेट मुंब्र्यातील वाय जंक्शनपर्यंत असेल. दुसऱ्या टप्प्यात याच रस्त्याला जोडून एलिव्हेटेड मार्ग तयार करण्यात येईल जो थेट कटरिना नाका इथे उतरेल. या रस्त्याचे काम पूर्ण झाल्यानंतर नागरिकांचा प्रवास अधिक वेगवान होणार असून याचा सर्वाधिक फायदा कल्याण-डोंबिवली- अंबरनाथ-बदलापूर येथील रहिवाशांना होणार आहे. कारण, या प्रकल्पाच्या पूर्णत्वानंतर काटई ते ऐरोली हा प्रवास फक्त १० मिनिटांत पूर्ण होणार आहे.


शिळ फाटा आणि त्याच्या आजूबाजूला प्रवास करणारे सर्व वाहन चालक रडकुंडीला आलेले आहेत. कल्याण-डोंबिवली आणि पुढे अंबरनाथ बदलापूरपर्यंत मोठी गृहसंकुले निर्माण होत आहेत. त्यामुळे येणाऱ्या काळात ठाणे नवी मुंबई आणि मुख्यतः मुंबईला जोडण्यासाठी हा रस्ता अतिशय महत्त्वाची भूमिका पार पाडणार आहे. या पाहणी दौऱ्यात खासदार श्रीकांत शिंदे यांनी उन्नत मार्ग १ (फेज-१) - टनेल टप्पा १ (टनेल फेज १) या दोन कामांची पाहणी करत नियोजित वेळेच्या आधीच ऐरोली-काटई उन्नत मार्गाचे काम पूर्ण करण्याचे उद्दिष्ट ठेवा असे निर्देश श्रीकांत शिंदे यांनी उपस्थित एम.एम.आर.डी.ए. च्या अधिकाऱ्यांना दिले.

रिपोर्टर

  • Adarsh Maharashtra
    Adarsh Maharashtra

    Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.

    आदर्श महाराष्ट्र वेब टीम

संबंधित पोस्ट