लग्न अवैध, तरीही "लबाडी"ने केलेली दुसरी पत्नीही पोटगीस पात्र-सर्वोच्च न्यायालय!
- by Adarsh Maharashtra
- Nov 14, 2020
- 1157 views
मुंबई(दीपक शिरवडकर) - पहिली पत्नी हयात असताना ती गोष्ट लपवून लबाडीने केलेला दुसरा विवाह जरी अवैध असला तरीही दंड प्रक्रिया संहितेच्या कलम १२५ अन्वये दुसरी पत्नीही पोटगी मिळण्यास पात्र ठरते असा निकाल सर्वोच्च न्यायालयाने सन २०१३ मध्ये देऊन फसवणूक झालेल्या स्त्रियांना सामाजिक न्याय देण्याच्या दृष्टीने एक पुढचे पाऊल टाकले.
हिंदू विवाह कायद्यानुसार पहिली पत्नी हयात असताना केलेला दुसरा विवाह पूर्णपणे अवैध असला,दुसऱ्या पत्नीला पतीच्या कोणत्याही संपत्तीत कोणताही हिस्सा मिळविण्याचा अधिकार हक्क नसताना आणि दुसरेपणाच्या स्त्रिला 'पत्नी'म्हणून कोणताही दर्जा नसला तरी फसवणूक करणाऱ्या पतीला स्वतःच्या लबाडीचा फायदा दिला जाऊ शकत नाही. त्यामुळे स्त्रिने त्या पुरूषाशी आपला विवाह झाल्याचे सप्रमाण सिद्ध केले तरी 'पत्नी' नसली तरी तिला पोटगी दिली जायला हवी असा निकाल सर्वोच्च न्यायालयाच्या न्या.रंजना प्रकाश देसाई व न्या.ए.के.सिक्री यांच्या खंडपीठाने सन २०१३ मध्ये दिला होता.
सर्वोच्च न्यायालयाने याआधी यमुनाबाई अनंतराव आढाव यांचेबाबत सन १९८८ मध्ये,सविताबेन सोमाभाई भाटीया विरुद्ध गुजरात सरकार यांचे मधील प्रकरणात सन २००५ तसेच चनमुनिया विरुद्ध वीरेंद्रकुमार सिंग कुशकह प्रकरणात सन २०११ मध्ये निकाल दिले आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम