बंद असलेले विजेचे खांब अखेर दुरुस्त! मनसेच्या पाठपुराव्याला यश!
- by Adarsh Maharashtra
- Nov 06, 2020
- 1948 views
मुलुंड:(शेखर भोसले)भांडूप पश्चिमेतील माता रमाबाई आंबेडकर नगर नं.१ येथील रस्त्यावरील दिव्याचे खांब महाराष्ट्र नवनिर्माण सेनेने महावितरणशी केलेल्या पाठपुराव्यानंतर अखेर दुरुस्त करण्यात आले. 
गेल्या काही दिवसांपासून रमाबाई आंबेडकर नगर क्र १ येथील रस्त्यावरील दिवे बंद असल्याने रस्त्यावर काळोखाचे साम्राज्य निर्माण झाले होते. त्यामुळे रात्रीच्या वेळेस नागरिकांचे विशेषतः जेष्ठ नागरिक, महिला वर्ग व लहान मुलांचे बेसुमार हाल होत होते. यासंबंधीच्या अनेक तक्रारी महावितरणकडे करण्यात आल्या होत्या, परंतु संबधित महावितरणचे अधिकारी याकडे दुर्लक्षच करत होते. त्यामुळे काही स्थानिकांनी मनसेचे प्रभाग संघटक संतोष पार्टे यांच्याकडे तक्रार केली.
संतोष पार्टे यांनी आपल्या कार्यकर्त्यांसह तातडीने महावितरण कार्यालयात जावून संबधित अधिकाऱ्यांना जाब विचारून आंबेडकर नगर क्र १ रस्त्यावरील विजेचे खांब दुरुस्त करून देण्याची मागणी केली. त्याला अनुसरून महावितरणच्या अधिकाऱ्यांनी जलद पाऊले उचलून आपल्या कामगारांमार्फत सदरचे बंद असलेले सर्व विजेचे खांब दुरुस्त करून घेतले.
मनसेच्या पाठपुराव्यामुळे गेल्या कित्येक दिवसांपासून काळोखात असलेला रमाबाई आंबेडकर नगर क्र.१ येथील रस्ता अखेर प्रकाशाने लखलखीत झाल्याने स्थानिकांनी समाधान व्यक्त केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम