नाल्याच्या बांधकामाचा निकृष्ट दर्जा, प्रशासनाचे दुर्लक्ष
- by Adarsh Maharashtra
- Nov 06, 2020
- 452 views
मुलुंड:(शेखर भोसले)मुलुंडच्या प्रभाग क्र.१०८ मधील मुलुंड कॉलनी परिसरातील मोठ्या नाल्याचे बांधकाम पालिकेतर्फे सुरू करण्यात आले आहे. नाल्याच्या बांधकाम करिता महापालिकेचा निधी मंजूर करण्यात आला असून ह्या नाला दुरुस्तीचे काम डीबी इन्फ्राटेक या कंपनीला देण्यात आले आहे. मुलुंड कॉलनीतील हा मुख्य नाला अत्यंत सुयोग्य पध्दतीने व पालिका अभियंत्याच्या देखरेखीखाली पूर्ण होणे आवश्यक आहे. परंतु कंत्राटदाराचा निष्काळजीपणा आणि पालिका अभियंत्याचे दुर्लक्ष यामुळे या नाल्याचे काम निकृष्ठ दर्जाचे होत असल्याची ओरड स्थानिक नागरिकांमधून होत आहे.
कंत्राटदाराला दिलेल्या वर्कऑर्डर प्रमाणे काम होत नसूनही पालिका अभियंते याकडे डोळेझाक करत असल्याचा आरोप स्थानिकांनी केला आहे. या नाल्याच्या बांधकामासाठी वापरण्यात येत असलेल्या रेती, सिमेंट व इतर मालाचा दर्जा सुमार असल्याचे स्थानिक नागरिकांनी सदर प्रतिनिधीला सांगितले. नाल्याच्या बांधकामासाठी वापरण्यात येत असलेल्या संपूर्ण मालाची प्रयोग शाळेत तपासणी करण्यात यावी अशी मागणी स्थानिक रहिवाशांमध्ये जोर धरत आहे. एवढा निधी मिळूनही काम सुमार दर्जा होत असल्याबद्दल स्थानिक नागरिक संतप्त झाले असून कंत्राटदार व पालिका अधिकाऱ्यांची याकामात मिलीभगत आहे का हा प्रश्न यानिमित्ताने नागरिकांनी उपस्थित केला आहे. संबधित पालिका अधिकारी पवार यांच्याशी यासंदर्भात माहिती जाणून घेण्याचा प्रयत्न केला असता काहीच प्रतिसाद मिळाला नाही. परंतु कंत्राटदार मनमर्जी काम करीत पालिका निधीचा दुरूपयोग करीत असल्याच्या प्रतिक्रीया नागरिकांकडून येत असल्यामुळे शासकीय निधी कामांकरिता की, कमिशन खोरीसाठी, असा प्रश्न यानिमित्ताने उपस्थित होत आहे. वरिष्ठांनी याकडे लक्ष देत कार्यवाही करणे गरजेचे आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम