मुंबई पोर्ट ट्रस्टमध्ये विजय पंदिरकर यांचा सेवानिवृत्त सोहळा संपन्न
- by Adarsh Maharashtra
- Oct 29, 2020
- 879 views
मुंबई : मुंबई पोर्ट ट्रस्ट डॉक अँड जनरल एम्प्लॉईज युनियनचे उपाध्यक्ष व मुख्य अभियंता खात्यातील वर्कशॉपमधील चार्जमन विजय पंदिरकार हे 31 ऑक्टोबर 2020 रोजी सेवानिवृत्त होणार असून, त्यानिमित्ताने वर्कशॉपमधील कामगारांतर्फे त्यांचा 28 ऑक्टोबर 2020 रोजी माझगाव येथे युनियनचे अध्यक्ष ऍड . एस. शेट्ये, जनरल सेक्रेटरी सुधाकर अपराज यांच्या हस्ते टू व्हीलर, समई, शाल श्रीफळ, पुष्पगुच्छ व इतर भेटवस्तू देऊन त्यांचा सत्कार करण्यात आला. हा सेवानिवृत्तीचा सोहळा कोरोनामुळे सुरक्षित अंतर ठेवून संपन्न झाला. विजय पंदिरकर यांनी मुंबई पोर्ट ट्रस्टमध्ये प्रामाणिक व निस्वार्थीपणे चांगली सेवा केली. त्यांच्या प्रदीर्घ सेवेमध्ये त्यांनी युनियनच्या प्रत्येक कार्यात चांगला सहभाग घेतला. गोदी कामगारांच्या प्रत्येक लढ्यात ते अग्रभागी असायचे.याप्रसंगी युनियनचे पदाधिकारी सर्वश्री विद्याधर राणे, विजय रणदिवे, दत्ता खेसे, संदीप कदम, शशिकांत बनसोडे, निसार युनूस, मनीष पाटील, संदीप चिरफळे, विष्णू पोळ, तसेच लहू कोकणे, हरिश्चंद्र पवार, हरिश्चंद्र ठाकूर, वेस्वीकार, म्हात्रे आदी मान्यवर, कामगार व कार्यकर्ते या कार्यक्रमास मोठ्या संख्येने उपस्थित होते. कार्यक्रमाचे सूत्रसंचालन युनियनचे खजिनदार विकास नलावडे यांनी तर आभार अप्पा सूर्यवंशी यांनी मानले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम