जनजागृती सेवा समितीच्यावतीने सत्कर्म बालकाश्रमात पुरणपोळी वाटप.
- by Adarsh Maharashtra
- Oct 25, 2020
- 856 views
बदलापूर:दसरा सण मोठा, आनंदाला नाही तोटा.पण या कोरोना संसर्गामुळे सर्वच सण साध्या पध्दतीने साजरे होत आहेत. त्याच भान राखून मास्क, सॅनीटायझर, सोशल डीस्टंसिंग या नियमांचे पालन करुन येथील सत्कर्म बालकाश्रमातील मुलांचे तोंड गोड करण्यासाठी जनजागृती सेवा समितीच्या वतीने पुरणपोळी व खाऊ वाटप करण्याचा कार्यक्रम येथे आयोजित करण्यात आला होता. याप्रसंगी अध्यक्ष गुरुनाथ तिरपणकर, कार्यकारिणी सदस्य दीपक वांयगणकर, एकनाथ गायकर,तसेच विनय देसाई,गंधाली तिरपणकर यांच्या हस्ते मुलांना पुरणपोळी व खाऊ वाटप करण्यातआले. दसरा सणानिमित्त सत्कर्म बालकाश्रमातील मुलांचे गोड झालेले तोंड व त्यांच्या चेहे-यावरील आनंद,हेच जनजागृती सेवा समितीचे समाधान. याप्रसंगी अंजना बनसोडे तसेच आश्रमाचे व्यवस्थापक गेनु कांबळे, विश्वस्त राहवेंद्र देशपांडे उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम