सामाजिक संस्थांतर्फे भांडुप पंपिंग स्टेशन येथील कांदळवनातील अजैविक कचऱ्याची साफसफाई
- by Adarsh Maharashtra
- Oct 17, 2020
- 643 views
मुलुंड :(शेखर भोसले) वनशक्ती फॉउंडेशन आणि राज्य मॅन्ग्रोव्ह फॉउंडेशन (वन खाते) यांच्या वतीने स्थानिक आगरी-कोळी बांधवांच्या साहाय्याने भांडुप पंपिंग स्टेशन येथील कांदळवन परिसरात जमा झालेल्या कचऱ्याची साफसफाई मोहीम आज हाती घेण्यात आली होती.
यावेळी साधारण एक ट्रक भरून अजैविक कचरा कांदळवनातून जमा करण्यात आला असून पालिकेतर्फे हा कचरा उचलला जाणार असून त्यावर शास्त्रीय पद्धतीने प्रक्रिया करून नष्ट केला जाणार असल्याचे वनशक्ती फॉउंडेशनच्या पदाधिकाऱ्यांनी सांगितले. 
गेल्या कित्येक दिवसांपासून भांडुप पंपिंग स्टेशन जवळील खाडीत असलेल्या कांदळवनात अजैविक कचरा जमा झाला होता परिणामी कांदळवन अतिशय अस्वच्छ झाले होते त्यामुळे येथील खाडीत, कांदळवनात वावरणाऱ्या माश्यांच्या आरोग्यावर परिणाम होऊन अनेक मृत मासे काठावर पडल्याचे आढळून आले होते. त्यामुळे कांदळवनाच्या साफसफाईची मोहीम हाती घेण्यात आली. राज्य मॅन्ग्रोव्ह सेलचे अधिकारी डी.आर.पाटील, वासू कोकरे, वनशक्ती फॉउंडेशनचे अधिकारी पवन पाटील, प्राजक्ता मालुसरे यांच्या नेतृत्वाखाली त्यांच्या कार्यकर्त्यांनी आणि श्री एकविरा आई प्रतिष्ठानच्या कार्यकर्त्यांनी तसेच पांडुरंग केणी, राजेश कोळी, चेतन म्हात्रे, सुनील म्हात्रे, गणेश, भरत आणि इतर आगरी-कोळी बांधवांनी या मोहिमेत सहभाग नोंदविला. 
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम