मुंबई :३२ वर्षीय शीतल दामा यांच्या मृत्यूला १३ दिवस झाले. शीतल दामा संबंधात एफआयआर (FIR) दाखल करा या मागणीसाठी आज घाटकोपर पश्चिम चिराग नगर पोलिस स्टेशनला गेलेले शीतल दामाचे पती श्री. जितेश, त्यांचा ११ वर्षांचा मुलगा जय, भाजपा नेते किरीट सोमैया व परिवाराच्या अन्य लोकांना आज मुंबई पोलिसांनी अटक केली.

आज दुपारी चिराग नगर घाटकोपर पोलिस स्टेशन येथे सुमारे १०० आंदोलकांनी शीतल दामाच्या प्रकरणाची एफआयआर झाली पाहिजे या मागणीसाठी पोलिस स्टेशनसमोर “ठिय्या आंदोलन” केले. पोलिसांकडून व्यवस्थित उत्तर आले नाही, “एफआयआर” रजिस्टर करायचे आम्ही आश्वासन देऊ शकत नाही, अजून ३२ मुद्दे आहेत ज्याचा तपास करायचा आहे.

मुंबई महानगरपालिकेच्या माफिया कंत्राटदाराला वाचवण्यासाठी शीतल दामा, जिचे नाल्यात बुडून मृत्यू झाले या प्रकरणाची एफआयआर दाखल करण्यास मुंबई पोलिस, मुंबई महानगरपालिका आणि ठाकरे सरकार चालढकल करित आहे त्यावरून आंदोलकांनी एफआयआरसाठी आग्रह धरला परंतु पोलिसांनी नकारात्मक उत्तर दिल्यानंतर आंदोलकांनी ठिय्या आंदोलन केले.

या प्रकरणी चिराग नगर घाटकोपर पोलिसांनी डॉ. किरीट सोमैया सह शीतल दामाचे पती जितेश, ११ वर्षांचा मुलगा जय व त्यांच्या परिवाराचे अन्य सदस्यांना अटक केली. भारतीय दंड संहिता कलम ६८, ६९ च्या अंतर्गत त्यांना ताब्यात घेण्यात आले व दुपारी त्यांची सुटका केली.

मुंबई पोलिसांकडून २४ तासात या संदर्भात अधिक स्पष्टता न झाल्यास उद्या हे ठिय्या आंदोलन मंत्रालयासमोर करणार अशी घोषणा भाजपा नेते डॉ. किरीट सोमैया यांनी केली.