मुलुंड मधील दुकानमालक व त्याचे कुटुंबिय कोरोनाबाधित असूनही रोज येत होते ग्राहकांच्या संपर्कात. पालिकेचे मुख्य वैद्यकीय अधिकारी मात्र याबाबत अनभिज्ञ
- by Adarsh Maharashtra
- Sep 25, 2020
- 633 views
मुलुंड :(शेखर भोसले)मुलुंड पूर्व येथील लोकमान्य टिळक मार्गावरील 'किड्स कॉर्नर' दुकानाचा मालक जितेन गांधी व त्यांच्या कुटुंबातील इतर सदस्यांना कोरोनाची लागण झाली आहे तसेच कोरोना पॉसिटीव्ह असूनही क्वॅरांटाइन न होता दुकान मालक व त्याचा मुलगा दुकानात येऊन ग्राहकांच्या, दुकानात काम करणाऱ्या इतर सेल्समनच्या तसेच आजूबाजूच्या दुकानदारांच्या संपर्कात येत आहेत, ही बातमी वाऱ्यासारखी मुलुंड पूर्वला पसरल्याने सर्वच जण तणावात आले होते.
आधीच मुलुंड मधील कोरोना रुग्णांची संख्या वाढत असताना, या दुकानदाराच्या तसेच पालिका प्रशासनाच्या निष्काळजीपणे मुलुंड पूर्वला अजून कोरोना संसर्ग वाढण्याची शक्यता निर्माण झाल्याने यासंदर्भात टी वॉर्डचे मुख्य आरोग्य अधिकारी डॉ साळुंखे यांना संपर्क साधून अधिक माहिती जाणून घेण्याचा प्रयत्न केला असता, त्यांनी याबाबत काहीही माहिती नसल्याचे सांगून माहिती काढतो व कळवतो असे सांगितले. काही तासांनी पुन्हा फोन करून विचारले असता उद्या माणसे पाठवून चेक करतो असे सांगितले. मुलुंडमध्ये कोरोना संसर्ग वाढू नये म्हणून आज सकाळी पुन्हा डॉ साळुंखे यांच्याशी फोनवरून संपर्क साधण्याचा प्रयत्न केला असता त्यांनी फोन कट केला.
या वार्डच्या नगरसेविका रजनी केणी यांच्या कार्यालयाशी संपर्क साधला असता त्यांच्याकडून मिळालेल्या माहितीनुसार किड्स कॉर्नर दुकानाचे मालक जितेन गांधी आणि त्यांच्या कुटुंबीयांना कोरोना संसर्ग झाल्याने होम क्वॅरांटाइन करण्यात आले असून दुकानातील नोकर संदीप भूपी हा सध्या दुकान चालवित आहे तसेच त्याची आणि दुकानातील इतर विक्रेत्यांची कोरोना टेस्ट निगेटिव्ह आली आहे. तसेच दुकान संपूर्णपणे पालिकेमार्फत सॅनिटाईज करण्यात आले आहे तसेच दुकान ३ दिवस बंद ठेवण्यात आले होते.
दरम्यान मुख्य आरोग्य अधिकारी असूनही डॉ साळुंखे आपल्या विभागातील आरोग्य खात्यात घडत असलेल्या घडामोडीबद्दल अनभिज्ञ असल्याबद्दल मुलुंडकर नागरिकांना मात्र आश्चर्य वाटत आहे. असे जर मुख्य आरोग्य अधिकारी असतील तर मुलुंडकरांच्या आरोग्याची भविष्यात दुरावस्थाच होईल, अशा संतप्त प्रतिक्रिया मुलुंडकर नागरिकां कडून यानिमिताने ऐकायला मिळाल्या.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम