मुलुंडला मनसे तर्फे सविनय कायदेभंग आंदोलन
- by Adarsh Maharashtra
- Sep 21, 2020
- 1300 views
मुलुंड :(शेखर भोसले) सर्वसामान्यांसाठी लोकलसेवा सुरु करा या मागणीसाठी महाराष्ट्र नवनिर्माण सेना मुलुंड विधानसभेच्या वतीने आज सोमवार दि. २१ रोजी मुलुंड पूर्व स्टेशनच्या बाहेर सकाळच्या वेळेत सविनय कायदेभंग आंदोलन मनसे उपाध्यक्ष सत्यवान दळवी यांच्या मार्गदर्शना खाली करण्यात आले. या आंदोलनात आंदोलनकर्त्यांनी रेल्वे प्रवास सर्वसामान्य नागरिकांसाठी खुला करा, या व इतर मागण्यांच्या घोषणा देत परिसर दणाणून सोडला. मनसेच्या मुलुंड मधील प्रमुख पदाधिकाऱयांनी यावेळी भाषण करून रेल्वे सर्वसामान्य नागरिकांसाठी लवकरात लवकर सुरु करा अशी जोरदार मागणी केली. आपल्या मागण्यांचे एक निवेदन मनसे उपाध्यक्ष सत्यवान दळवी यांच्या मार्फत यावेळी मुलुंड स्टेशन अधीक्षकांना देण्यात आले.
सदर आंदोलनात मुलुंड मधील मनसे पदाधिकारी, महिला, पुरुष कार्यकर्ते व सामान्य जनतेने सहभाग नोंदवला. यावेळी मनसे उपाध्यक्ष सत्यवान दळवी, विभाग अध्यक्ष राजेश चव्हाण, म.वि. अध्यक्षा लक्ष्मी सोनावणे, संदिप कदम, सुनिल सावंत, सागर देवरे, राजेश पाचांळ, प्रथमेश चव्हाण व इतर काही कार्यकर्त्यांना पोलीसांनी ताब्यात घेतले.
कोरोनाच्या पार्श्वभूमीवर लोकल रेल्वे सेवा बंद असल्यामुळे मुलुंडकर ८ तास नोकरी आणि ६ तास गर्दीत प्रवास करतोय, त्यांच्यासाठी लोकल सेवा मिळावी यासाठी मुलुंड स्थानकाबाहेर हे सविनय कायदेभंग आंदोलन आज सकाळी मनसेतर्फे करण्यात आले. यावेळी कोणताही अनुचित प्रकार घडू नये यासाठी नवघर पोलिसांनी व पो नि पुष्कराज सूर्यवंशी यांच्या मार्गदर्शनाखाली सर्वत्र चोख बंदोबस्त ठेवला होता. मनसेच्या या आंदोलनामुळे सायंकाळी देखील मुलुंड स्टेशन परिसरात मोठया संख्येने पोलिस बंदोबस्त आढळून आला.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम