
अनियमित पावसामुळे मुलुंडमध्ये व्हायरस फिवरचे वाढते रुग्ण
- by Adarsh Maharashtra
- Sep 21, 2020
- 819 views
मुलुंड :(शेखर भोसले) अनियमित पावसामुळे मुलुंडमध्ये डेंग्यू, मलेरिया, सर्दी, ताप, व्हायरस फिवरच्या रुग्णांचे प्रमाण वाढले असून स्थानिक दवाखाने व आरोग्य केंद्रे या रुग्णांच्या गर्दीने भरलेले दिसून येत आहे. कोरोना वायरसला नियंत्रणात आणण्यासाठी पालिकेचे सफाई खाते व आरोग्य विभाग अतिशय मेहनत घेत असताना थोडा वेळ पाऊस तर थोडा वेळ ऊन या अनियमित वातावरणामुळे नागरिकांच्या आरोग्यावर विपरीत परिणाम होत असल्याचे आढळून आले असून अनेक जण व्हायरस फिवरने आजारी पडत आहेत.
पावसाळी आजारावर नियंत्रण ठेवण्यासाठी पालिकेतर्फे धूर फवारणी सातत्याने करण्यात येत आहे तर काही ठिकाणी मोफत आरोग्य शिबिरांचे देखील आयोजन करण्यात आलेले आहे तरीही डेंग्यू, मलेरिया, व्हायरस
फिवर या आजारांनी सध्या डोके वर काढले आहे. कोरोनामुळे आधीच भीतीच्या छायेत वावरत असलेले नागरिक त्यामुळे तब्येतीमध्ये थोडासा जरी फरक पडला तरी ताबडतोब स्थानिक दवाखान्यात किंवा फॅमिली डॉक्टर्सकडे जाऊन तपासणी करून घेत आहेत, त्यामुळे लॉकडाऊन काळात भीतीने बंद असलेले स्थानिक दवाखाने सध्या वायरल फिवर या आजाराच्या रुग्णांनी भरलेले दिसत आहेत
अनियमित पाऊस, ऊन आणि पावसाचा खेळ आणि त्यातच रस्त्यावर साचलेले पाणी यामुळे मोठया प्रमाणात वाढलेले डेंग्यू, मलेरियाचे डास त्यामुळे पावसाळी आजाराचे प्रमाण वाढले असून अधिक लोकं या आजाराला बळी पडत आहेत त्यामुळे सर्दी, पडसे व इतर लहान आजारांनी त्रस्त नागरिक आपल्या परिसरातील स्थानिक दवाखान्यात गर्दी करताना दिसत असून या आजारी रुग्णांना दोन दिवसांचे डोस देण्यात येत आहेत. किरकोळ आजार असल्यामुळे लोकं दोन दिवसांत बरे होत आहेत. पावसाळी आजार व व्हायरस फिवरने आजारी पडलेल्या रुग्णांनी घाबरून जाण्याचे कारण नसून योग्य उपचार, आराम व स्वतःची व्यवस्थित काळजी घेतली तर हे किरकोळ आजार दोन दिवसांच्या औषधाने लवकर दूर होतात, असे मुलुंडमधील स्थानिक डॉक्टरांनी सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम