भांडुपमध्ये मराठा बांधवांतर्फे शिवाजी तलाव येथे ठिय्या आंदोलन
- by Adarsh Maharashtra
- Sep 20, 2020
- 471 views
मुलुंड :(शेखर भोसले) मराठा आरक्षणाला सुप्रीम कोर्टात स्थगिती मिळाल्याने महाराष्ट्र भरातून मराठा बांधव विविध आंदोलन करून सामाजिक दबाव वाढवत आरक्षणाचा लढा देत आहेत. मराठा क्रांती मोर्चा, मुंबईने ठरवल्याप्रमाणे मुंबईतील भांडुप पश्चिम येथील शिवाजी तलाव परिसरात रविवार दि.२० सप्टेंबर रोजी सकाळी ११ ते दुपारी ०१ वाजेपर्यंत मराठा क्रांती मोर्चा, भांडुपच्या वतीने ठिय्या आंदोलन आयोजित केले होते. सदर आंदोलनात साधारण १०० मराठा बांधवांनी शासकीय नियमांचे पालन करीत कोरोना बाबतची सर्व दक्षता (तोंडाला मास्क, सोशल डिस्टन्सिंग, सॅनिटायजर) घेत आपला निषेध नोंदवला.
यावेळी छत्रपती शिवाजी महाराजांच्या पुतळ्याला पुष्पहार अर्पण करून आंदोलनाची सुरुवात करण्यात आली आहे. 'एक मराठा लाख मराठा', 'मराठा आरक्षण मिळालेच पाहिजे' या व इतर घोषणा देत आंदोलकांनी आपला आवाज आसमंतात दुमदुमवला. अत्यंत शांततेत पार पडलेल्या या आंदोलनाद्वारे लवकरात लवकर मराठ्यांना आरक्षण द्यावे ही मागणी राज्यकर्त्यांपर्यंत पोहचवली. भांडुप पोलिस स्टेशनने यावेळी सर्वत्र चोख बंदोबस्त ठेवला होता
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम